JEREMAÏAH 33:3 - Khasi CL Bible (BSI)

³ “To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

KA BAIBL

³ ‘To khot ïa nga, te ngan phai ktien ïa me, bad ngan pyni ruh ha me ïa kiei kiei ki bakhraw, bad kiba eh, ïa kiba mem tip.’

JEREMAÏAH 33:3 ပူးပေါင်းရင်းမြစ်များ

SALM 145:18

U long hajan kito kiba khot kyrpad ïa u, kiba khot kyrpad ïa u da ka dohnud kaba beit.

SALM 25:14

U Trai u long u paralok jong kito kiba kohnguh ïa u bad u pynskhem ïa la ka jutang bad ki.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

ISAÏAH 45:3

Ngan ai ïa me ki jingkynshew na ki jaka ba-dum, bakynjah; te men tip ba nga long U Trai, bad ba U Blei ki Israel u la khot ïa me da ka kyrteng.

ISAÏAH 48:6

“Baroh kiba nga la ïathuh lypa, mynta ki la urlong; phi hap ban pdiang ba ki jingïathuh lypa jong nga ki long kiba dei. Mynta ngan ong ïa phi ïa kiei kiei kiba thymmai ki ban wan, ki jingjia kiba ngam shym la pynpaw mynshuwa.

ISAÏAH 65:24

Wat ha shuwa ba kin dep duwai ha nga, ngan jubab ïa ki jingduwai jong ki.

JEREMAÏAH 23:35

Pynban, uwei pa uwei un kylli ïa la ki paralok bad ki ba-ha-ïing ha-sem jong u, ‘Kaei ka jubab kaba U Trai u la ai? Kaei kaba U Trai u la kren?’

JEREMAÏAH 29:12

Nangta phin khot kyrpad ïa nga. Phin wan bad duwai ha nga, bad ngan jubab ïa phi.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 32:27

“Nga long U Trai, U Blei ki jaitbynriew baroh. Ym don kaei kaei kaba eh than ïa nga ban leh.

DANIEL 2:18

U la ong ïa ki ban duwai ha U Blei ka bneng na ka bynta ka jingisynei bad ban kyrpad ïa u ban batai ïa ka jingmaïan ha ki khnang ba kin ym shah pynïap lem bad kiwei pat ki nongai jingmut ha Babilon.

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 2:23

Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

MIKAH 7:15

To leh ïa ki kambah na ka bynta jong nga, A Trai, kumba me la leh ha ki sngi mynba me la wallam ïa ngi na ka ri Ijipt.

MATHAÏOS 13:35

U la leh ïa kane ban pynurlong shisha ïa kaei kaba u nongïathuhlypa u la lah ong: “Ngan pyndonkam da ki pharshi haba nga kren ha ki, ngan ïathuh ha ki ïa kiei kiei ki bymtip naduh ba la pynlong ïa ka pyrthei.”

KI KAM 2:21

Bad nangta, ïa uno uno uba khot kyrpad sha U Trai ban ïoh jingïarap yn pynim.’

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

EPHESOS 3:20

Ha uta uba da ka bor jong u kaba trei ha ngi u lah ban leh kham palat ban ïa kaba ngi pan, lane wat ïa kaba ngi pyrkhat;

DEUTERONOMI 4:29

Bad hangta phin wad ïa U Trai U Blei jong phi, bad lada phi wad ïa u da ka dohnud jong phi baroh, phin shem ïa u.

DEUTERONOMI 4:7

“Ym don kawei pat ka jaitbynriew, la ka khraw katno katno, kaba don u blei uba hajan kum U Trai U Blei jong ngi, haba ki donkam ïa u. Man ka por ba ngi khot kyrpad ïa u, u jubab ïa ngi.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.