JEREMAÏAH 33:2 - Khasi CL Bible (BSI)

² U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

KA BAIBL

² “Kumne u ong U Trai uba leh ïa ka, U Trai uba pynlong ïa ka, ïa ka ban pynskhem ïa ka; ‘U Trai’ long ka kyrteng jong u:

JEREMAÏAH 33:2 ပူးပေါင်းရင်းမြစ်များ

SALM 102:16

Haba U Trai un tei pat ïa ka Seïon, un sa pynpaw ïa ka jingkhraw jong u.

SALM 87:5

Ïa ka Seïon yn sa ong ba baroh ki jaitbynriew ki dei hangta bad u Badonbor Baroh un pynlong ïa ka kaba khlaiñ.

EKSODOS 15:3

U Trai u long u khla-ka-wait; Ka kyrteng jong u ka long U Trai.

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

ISAÏAH 37:26

“Hato mem pat ju ïohsngew ba nga la thmu ïa kane baroh slem mynshuwa? Bad mynta nga pynurlong ïa ka. Nga ai ha me ka bor ban pynkylla ïa ki nongbah ba la ker kynroh sha ki kynton theh ñiut.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

ISAÏAH 62:7

Kim dei ban ai shongthait ïa u tad ynda u dep tei pat ïa ka Jerusalem, bad pynlong ïa ka, ka nongbah ha kaba ka pyrthei baroh kawei ka ïaroh.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 16:21

“Kumta te,” ong U Trai, “Tang shisien keiñ ngan pynlong ïa ki jaitbynriew ban tip ïa ka bor bad ka jingkhlaiñ jong nga; kin tip ba nga long U Trai.”

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

AMOS 9:6

U Trai u tei ïa ka ïing jong u ha ki bneng, bad halor ka khyndew u buh ka jingtei jong ka sahit bneng. U khot ïa ki um ka duriaw bad u theh ïa ki ha sla pyrthei. Ka kyrteng jong u ka long U Trai!

HEBRU 11:10

Naba u Abraham u la ap khmih ïa ka nongbah kaba U Blei u la pynwandur bad u la tei, ka nongbah kaba don ki nongrim baneh.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

JINGPYNPAW 21:10

U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.