JEREMAÏAH 33:16 - Khasi CL Bible (BSI)

¹⁶ Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

KA BAIBL

¹⁶ Ha kita ki sngi, yn sa pynim ïa ka Judah, bad ka Jerusalem kan sa shongsuk: bad kane ka long ka kyrteng da kaba yn khot ïa ka, “U Trai u long ka hok jong ngi.” ’

JEREMAÏAH 33:16 ပူးပေါင်းရင်းမြစ်များ

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”

ESEKIEL 38:8

Hadien bun snem ngan hukum ïa u ba un hiarthma ïa ka ri ha kaba ïa ki briew la wallam biang napdeng shibun ki jaitbynriew bad kiba la im khlem jingsheptieng ïa ka thma. Un hiarthma ïa ki lumbah ka Israel kiba la sah kynjah bad sah shrah la slem bah, hynrei ha kaba mynta ki briew ki shong ha ka jingshngain.

ESEKIEL 48:35

Ka lynter baroh jong ka kynroh ha baroh sawdong ka nongbah ka long khyndai hajar mitar. Ka kyrteng jong ka nongbah naduh mynta kan long, “U Trai U Don Hangne!”

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

Ka Shithi U Paul Sha Ki Nong Rom 11:26

Bad kane ka long kumno ba ïa baroh ki Israel yn pynim. Kumba ka Jingthoh Bakhuid ka ong, “U Nongpynim un wan na Seïon bad un weng noh ïa baroh ka jingbymman na ki khun ki ksiew u Jakob.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

DEUTERONOMI 33:12

Shaphang ka jait Benjamin u ong, “Kane ka dei ka jait ba U Trai u ieit bad ïada; U ïada ïa ki baroh shi sngi, Bad u shong hapdeng jong ki.”

DEUTERONOMI 33:28

Kumta ki khun ki ksiew u Jakob ki shongsuk shongsaiñ, khlem jingkhuslai ha ka ri kaba dap da u kew bad da ka waiñ, ha kaba ka umjer na suiñbneng ka ai um ïa ka khyndew.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi: