JEREMAÏAH 32:8 - Khasi CL Bible (BSI)

⁸ Te kumba U Trai u la ong, u Hanamel u la wan sha nga hangta ha ka phyllaw bad u la ong ïa nga ba ngan thied ïa ka lyngkha. Kumta nga sngewthuh ba U Trai u la kren shisha ha nga.

KA BAIBL

⁸ Kumta u Hanamel u khun u kñi jong nga u la wan ha nga ha ka phyllaw ka karod katba kum ka ktien U Trai, bad u la ong ha nga, “To thied ïa ka lyngkha jong nga, nga kyrpad ïa me, kaba ha Anathoth, kaba long ha ka ri Benjamin: namar ka hok ka jingïoh pateng ka long ka jong me, bad ka jingsiewspah ka long ka jong me; to thied ïa ka ïa lade.” ’ ” Te nga la tip ba kane ka la long ka ktien jong U Trai.

JEREMAÏAH 32:8 ပူးပေါင်းရင်းမြစ်များ

1 SYIEM 2:26

Nangta u Syiem Solomon u ong ha u Abiathar u lyngdoh, “Khie leit sha la ka jong ka ri ha Anathoth. Me dei hok ban ïap, hynrei ngan ym phah pynïap ïa me mynta, namar ba me la khmih sumar ïa ka Synduk ka Jutang jong U Trai mynba me dang don bad u Dabid, u kpa jong nga, bad me la ïoh bynta lem ha ki jingjynjar jong u baroh.”

1 SYIEM 22:25

“Phin sa shem haba phin leit shadien ka kamra ban rieh,” U Mikaïah u jubab.

1 KHRONIKL 6:60

Ha ka thain Benjamin la ai ha ïa kine ki shnong harum lem bad ki jaka pynbamphlang jong ki: Geba, Alemeth, bad Anathoth. Kane ka long baroh khatlai tylli ki shnong na ka bynta baroh ki longïing jong ki ban shong ban sah.

JEREMAÏAH 1:1

Kane ka kitab ka dei ka jingïathuh ïa kaei kaba la kren da u Jeremaïah, u khun jong u Hilkaïah, uwei na ki lyngdoh jong ka shnong Anathoth ha ka thain Benjamin.

JEREMAÏAH 32:2

Ha kata ka por ka kynhun shipai jong u syiem ka Babilonia ka dang tur ïaleh ïa ka Jerusalem, bad ïa nga la set ha ka phyllaw ba la kerkut jong ka ïingsyiem.

JEREMAÏAH 32:25

Pynban, ko Trai Nongsynshar, me long ma me uba la hukum ïa nga ban thied ïa ka lyngkha ha ka jingdon lang ki sakhi, wat la ka nongbah ka la jan shah kurup ha ki nong Babilonia.”

JEREMAÏAH 32:7

ba u Hanamel, u khun jong u kñi jong nga, u Shallum, un wan sha nga bad ka jingkyrpad ban thied ïa ka lyngkha jong u ha Anathoth ha ka thain Benjamin, namar nga long u ba-ha-ïing bajan tam bad ba nga don ka hok ban thied ïa ka na ka bynta ïa lade.

JEREMAÏAH 33:1

Katba nga dang don hi ha ka ïingbyndi ha ka phyllaw, ka khubor U Trai ka la wan biang ha nga.

JEREMAÏAH 37:12

Kumta nga la sdang ban mihnoh na Jerusalem bad ban leit sha ka thain Benjamin ban leit shim ïa ka bynta jong nga na ka nongkynti ka longïing.

ESEKIEL 12:7

Nga la leh ïa kaei kaba U Trai u la bthah ïa nga ban leh. Ha kata ka sngi nga la teh ïa ka song kumba u nongphetwir u leh bad ha kata ka premmiet katba ka dang khreh dum nga la tih ka thliew ha ka kynroh da ki kti jong nga bad nga la mih shabar. Katba uwei uwei baroh u dang khmih, nga la tawah ïa ka song halor ka tyrpeng jong nga bad nga la mihnoh.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

ÏOANNIS 4:53

Te u kpa u la kynmaw ba ha kata hi ka kynta mynba U Jisu u la ong ïa u, “U khun jong me un im.” Kumta ma u bad ka longïing jong u baroh ki la ngeit.