JEREMAÏAH 32:5 - Khasi CL Bible (BSI)

⁵ Ïa u Sedekaïah yn rah noh sha Babilonia bad un sah hangta haduh ba ngan da pyndep ïa kaei ban leh ïa u. Wat lada un ïaleh ïa ki nong Babilonia, un ym lah ban jop. Ma nga U Trai, nga la kren.”

KA BAIBL

⁵ bad un ïalam ïa u Sedekaïah sha Babilon, te hangta un long, tad ynda ngan wan-i ïa u,” ’ ong U Trai: ‘la phi ïaleh bad ki Khaldi, phin ym lah?’ ”

JEREMAÏAH 32:5 ပူးပေါင်းရင်းမြစ်များ

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 24:20

Nangta U Mynsiem U Blei u wan ha u Sekharaïah u khun jong u Jehoïada u lyngdoh. U la ïeng ha ka jaka ba ki briew ki lah ban ïohi ïa u, bad u pyrta, “U Trai U Blei u kylli balei ba phim shym kohnguh ïa ki hukum jong u bad ba phi wallam ka jingpynjot halor lade hi! Phi la iehnoh ïa u, kumta u la iehnoh ïa phi!”

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

JEREMAÏAH 2:37

Phin phai noh na ka Ijipt, da kaba sdien ïa ka khlieh jong phi ha ka jinglehrain. Ma nga, U Trai nga la kyntait ïa kito kiba phi la shaniah; phin ym ïoh kano kano ka jingmyntoi na ki.”

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:6

U Trai u la ong ïa nga

JEREMAÏAH 33:5

Katto katne kin ïaleh pyrshah ïa ki nong Babilonia, ki ban pyndap ïa ki ïing da ki metïap jong kito kiba ngan sa pynïap namar ka jingbitar bad ka jingbitar shla jong nga. Nga la phai noh na kane ka nongbah namar kiei kiei kiba sniew kiba ki briew jong ka ki la leh.

JEREMAÏAH 37:10

Wat la men jop ïa ka kynhun shipai Babilonia baroh kawei, ba tang ki rangbah ba la mynsaw kin sah, kiba thiah ha la ki ïingjaiñ, kito ki rangbah kin dang ïeng bad thang ïa kane ka nongbah ha ban da ing khoit.”

JEREMAÏAH 39:4

Mynba u syiem Sedekaïah bad baroh ki shipai jong u ki la ïohi ïa kaei kaba la jia, ki la pyrshang ban phet na ka nongbah ha ka por mynmiet. Ki la phet na ka lynti jong ka kper syiem, ki la ïaid lyngba ïa ka khyrdop kaba pynïasoh ïa ki ar tylli ki kynroh, bad phet na ka liang jong ka Them Jordan.

JEREMAÏAH 39:5

Hynrei ka kynhun shipai Babilonia ka la beh nadien jong ki bad kem ïa u Sedekaïah ha ki pyntha hajan ka Jerikho. Te ki la leit ïalam ïa u sha u syiem Nebukhadnessar, uba don ha ka nongbah Riblah ha ka ri Hamath, bad hangta u Nebukhadnessar u la ai ïa ka jingrai halor jong u.

JEREMAÏAH 39:7

Hadien kata, la pynmatlah ïa ki khmat u Sedekaïah bad la teh ïa u da ki kynjri ban rah ïa u sha Babilonia.

SNGEWSYNEI 1:14

“U la kynmaw ïa ki pop jong nga baroh bad u la teh lang ïa ki baroh; u la sdien ïa ki ha u ryndang jong nga, bad nga la sdang tlot hapoh ka jingbankhia. U Trai u la ai ïa nga ha ki nongshun jong nga, bad ngam lah leh ei ei pyrshah ïa ki.

ESEKIEL 12:12

U khun syiem uba synshar ïa ki un tawah ïa la ka song ha ka tyrpeng jong u bad un phet lyngba ka thliew kaba ki la tih na ka bynta jong u ha ka kynroh. Un tap ïa ki khmat jong u, bad um ïohi shano ba u leit.

ESEKIEL 12:13

Hynrei ngan phriang ïa ka jar jong nga bad riam ïa u ha ka. Nangta ngan shim ïa u sha ka nongbah Babilon, ha kaba un ïap khlem da ïohi ïa ka.

ESEKIEL 17:15

Hynrei u syiem ka Judah u la ïeng ïaleh pyrshah bad u la phah briew sha Ijipt ban ïoh ki kulai bad ka kynhun shipai bakhraw. Hato un jop? Hato u lah ban leh ei ei da kata? Um lah ban pynkheiñ ïa ka jingïateh lok bad leit khlem shah pynshitom!

JINGKHEIÑ 14:41

Hynrei u Moses u ong, “Te balei phi dang ïaleh pyrshah ïa U Trai mynta? Phin ym jop!