JEREMAÏAH 32:43 - Khasi CL Bible (BSI)

⁴³ Ki briew ki ïa-ong ba kane ka ri kan long kum ka ri shyiap ha kaba ki briew lymne ki mrad kin im, bad ba ïa ka yn ai noh sha ki nong Babilonia. Hynrei ïa ki lyngkha yn sa thied pat ha kane ka ri.

KA BAIBL

⁴³ Te ïa ki lyngkha yn ïathied ha kane ka ri, shaphang kaba phi ong, ‘Ka la long kynjah, khlem u briew ne u mrad; la ai noh ïa ka ha ka kti ki Khaldi.’

JEREMAÏAH 32:43 ပူးပေါင်းရင်းမြစ်များ

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 32:25

Pynban, ko Trai Nongsynshar, me long ma me uba la hukum ïa nga ban thied ïa ka lyngkha ha ka jingdon lang ki sakhi, wat la ka nongbah ka la jan shah kurup ha ki nong Babilonia.”

JEREMAÏAH 32:36

U Trai, U Blei ki Israel, u la ong ha nga, “Ko Jeremaïah, ki briew ki ïa-ong ba ka thma, ka jingïapthngan, bad ka jingpang kin pynlong ïa kane ka nongbah ban hap ha ki kti jong u syiem ka Babilonia. Mynta, to shahshkor ïa kaei de kaba nga don ban ong.

JEREMAÏAH 33:10

U Trai u la ong, “Ki briew ki ïa-ong ba kane ka jaka ka long kum ka ri shyiap, ba kam don ki briew ne ki mrad kiba im ha ka. Bad ki ong ïa kaba dei; ki shnong ka Judah bad ki surok bah ka Jerusalem ki long thylli; ym don ki briew ne ki mrad kiba im hangta.

JEREMAÏAH 33:12

U Trai Badonbor Baroh u la ong, “Ha kane ka ri kaba long kum ka ri shyiap bad ha kaba ym don ki briew ne ki mrad kiba im hangta, yn sa don biang ki jaka phlang ha kiba ki nongaplangbrot kin wallam ïa ki langbrot jong ki.

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”