JEREMAÏAH 32:41 - Khasi CL Bible (BSI)

⁴¹ Ngan sngewbha ha kaba leh kiei kiei kiba bha na ka bynta jong ki, bad ngan buh pynskhem junom ïa ki ha kane ka ri.

KA BAIBL

⁴¹ Shisha, ngan kmen halor jong ki ïa ka ban leh bha ïa ki, bad da shisha ngan thung ïa ki ha kane ka ri da ka dohnud jong nga baroh bad da ka mynsiem jong nga baroh.”

JEREMAÏAH 32:41 ပူးပေါင်းရင်းမြစ်များ

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 62:4

Yn ym khot shuh ïa pha, “Kaba la shah iehnoh,” ne ïa ka ri jong pha yn khot, “Ka tnga ba la shah iehnoh.” Ka kyrteng bathymmai jong pha kan long “U Blei u sngewbha ïa ka.” Ïa ka ri jong pha yn khot, “Ka jingshongkurim kaba suk,” naba U Trai u sngewbha eh ïa pha, bad un long kum u tnga ïa ka ri jong pha.

ISAÏAH 62:5

Kum u samla uba shim ïa ka theisotti kum ka nongleitkurim jong u, uta uba pynlong ïa pha un shongkurim ïa pha, kumba u nongleitkurim u shem sngewbha bad ka nongleitkurim jong u, kumta U Blei jong pha un shem sngewbha ïa pha.

ISAÏAH 65:19

Ïa nga ruh yn pyndap da ka jingkmen namar ka Jerusalem bad ki briew jong ka. Hangta yn ym don shuh ka jingïam, yn ym don shuh ki ban khot kyrpad ban ïoh jingïarap.

JEREMAÏAH 18:9

Ha kawei pat ka liang, lada nga ong ba ngan seng lane tei ïa kano kano ka jaitbynriew lane ka hima,

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

ESEKIEL 36:36

Te ki jaitbynriew ba-marjan kiba la lait im kin ïoh tip ba ma nga, U Trai, nga la tei pat ïa ki nongbah ba la jot, bad nga la thung ïa kata kaba la long shrah. Ma nga, U Trai, nga la kular ba ngan leh ïa kane — bad ngan sa leh.”

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

AMOS 9:15

Ngan thung ïa ki briew jong nga ha ka ri ba nga la ai ïa ki, bad yn ym jynrat shuh ïa ki,” U Trai U Blei jong phi u la kren.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

DEUTERONOMI 28:63

Kumba U Trai u pynmanbha bad pynroi ïa phi da kaba kmen, kumta ruh da kaba kmen un pynjot bad pynduh pyndam ïa phi. Yn sa rat dyngkhong ïa phi na kata ka ri ba phin ïohkynti.

DEUTERONOMI 30:9

U Trai un pynroi kyrhai ïa phi kat ha kaba phi leh; phin ïoh kyrhai ki khun ki kti bad kyrhai ki jingri, bad ki lyngkha jong phi ruh kin pynmih kyrhai. Un da sngewbha eh ban pynmanbha ïa phi kumba u la sngewbha ban pynmanbha ïa ki kpa tymmen jong phi;