JEREMAÏAH 32:40 - Khasi CL Bible (BSI)

⁴⁰ Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

KA BAIBL

⁴⁰ bad ngan thaw ka jutang bymjukut bad ki, ba ngan ym phai lyndet na ki, ïa ka ban leh bha ïa ki; bad ngan buh ïa ka jingsheptieng jong nga ha ka dohnud jong ki, ba kin ym kynriah noh na nga.

JEREMAÏAH 32:40 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

SALM 80:19

To wallam pat ïa ngi, A Trai U Blei Badonbor Baroh. Pyni ha ngi ïa ka jingisynei jong me, bad ïa ngi yn pynim.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

ESEKIEL 36:26

Ngan ai ha phi ïa ka dohnud kaba thymmai bad ïa ka jingmut kaba thymmai. Ngan khlaw noh na phi ïa ka dohnud maw ba-eh rang jong phi, bad ngan ai ha phi ka dohnud kaba kohnguh.

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

MIKAH 4:5

Kawei pa kawei ka jaitbynriew ka mane bad kohnguh ïa la u jong u blei, hynrei ngi ngin mane bad kohnguh ïa U Trai U Blei jong ngi junom la junom.

DEUTERONOMI 31:6

To long kiba kut jingmut bad sngewskhem bha. Wat sheptieng ïa ki. U Trai U Blei jong phi hi un don ryngkat bad phi. Un ym ieh ïa phi lane kyntait ïa phi.”

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

HEBRU 4:1

Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 7:24

Hynrei U Jisu u im junom, bad ka kam jong u kum u lyngdoh kam shym la hiarpateng sha uno uno uwei pat.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.