JEREMAÏAH 32:4 - Khasi CL Bible (BSI)

⁴ Yn aiti noh ïa u ha u syiem ka Babilonia; un peit ïa u markhmat bad un kren ïa u hi da lade.

KA BAIBL

⁴ bad u Sedekaïah u syiem ka Judah un ym ïohlait noh na ka kti ki Khaldi, hynrei, da shisha, ïa u yn ai noh ha ka kti u syiem ka Babilon, bad un ïakren bad u markhmat, bad ki khmat jong u kin khmih ïa ki khmat jong u;

JEREMAÏAH 32:4 ပူးပေါင်းရင်းမြစ်များ

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 25:35

Yn ym don lad ïa phi ban lait im.

JEREMAÏAH 34:21

Ngan ai ruh ïa u Sedekaïah u syiem ka Judah bad ïa ki rangbah synshar jong u sha kito kiba kwah ban pynïap ïa ki. Ngan aiti ïa ki sha ka kynhun shipai Babilonia, kaba la sangeh ban tur ïaleh ïa phi.

JEREMAÏAH 34:3

Phin ym lait im; yn kem ïa phi bad yn ai noh ïa phi sha u. Phin ïohi ïa u markhmat bad kren ïa u da lade hi; te nangta phin leit sha Babilonia.

JEREMAÏAH 37:17

Hadien kata u syiem Sedekaïah u la phah khot ïa nga, bad hangta ha ka ïingsyiem u la kylli ïa nga ha kaba jar jar, “Hato don khubor ei ei na U Trai?” “Ka don,” nga la jubab, bad nga ong shuh shuh, “Ïa phi yn sa aiti noh ha u syiem ka Babilonia.”

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:23

Te nga la ong shuh shuh, “Ïa baroh ki kynthei bad ki khun jong phi, yn rah noh sha ki nong Babilonia, bad ma phi ruh ïa lade phin ym lait na ki. Yn sa ïalam ïa phi kum u koidi da u syiem ka Babilonia, bad ïa kane ka nongbah yn sa thang lut khoit.”