JEREMAÏAH 32:37 - Khasi CL Bible (BSI)

³⁷ Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

KA BAIBL

³⁷ “Ha khmih, ngan ïalum ïa ki na ki ri baroh, sha kiba nga la beh noh ïa ki ha ka jingbitar jong nga, bad ha ka jingshla jong nga, bad ha ka jingbitar lep; bad ngan wallam pat ïa ki sha kane ka jaka, bad ngan pynshong suk ïa ki:

JEREMAÏAH 32:37 ပူးပေါင်းရင်းမြစ်များ

SALM 106:47

To pynim ïa ngi, A Trai, U Blei jong ngi, bad wallam pat ïa ngi napdeng ki jaitbynriew, ba ngi lah ban sngewnguh bad ïaroh ïa ka kyrteng bakhuid jong me.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 16:14

U Trai u ong, “Ka por ka wan haba ki briew kin ym smai shuh da nga kum U Blei uba im uba la wallam ïa ki paid Israel na ka ri Ijipt.

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 21:5

Ngan ïaleh pyrshah ïa me da ka borbah jong nga baroh, da ka jingdom jong nga, da ka jingbitar shla jong nga, bad da ka jingingkhong khait jong nga.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 31:10

U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

JEREMAÏAH 33:7

Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

ESEKIEL 11:17

“Kumta to ïathuh ha ki ïa kaei kaba ma nga, U Trai Nongsynshar, nga ong. Ngan lumlang ïa ki na ki ri sha kiba nga la pynsakma ïa ki, bad ngan ai pat ïa ka ri Israel ha ki.

ESEKIEL 20:34

Ngan pyn-i ha phi ïa ka bor jong nga bad ïa ka jingbitar jong nga haba nga lumlang ïa phi bad wallam pat ïa phi na ki ri baroh sha kiba la pynsakma ïa phi.

ESEKIEL 28:25

U Trai Nongsynshar u la ong, “Ngan wallam pat ïa ki paid Israel na ki jaitbynriew kiba nga la pynsakma ïa ki, bad ki jaitbynriew baroh kin tip ba nga long uba khuid. Ki paid Israel kin im ha la ka ri, ka ri kaba nga la ai ha u shakri jong nga u Jakob.

ESEKIEL 28:26

Kin im hangta ha ka jingshongshngain. Kin tei ïa ki ïing bad kin pynlong ïa ki bri sohwaiñ. Ngan pynshitom ïa ki paramarjan jong ki baroh kiba la ñiew ïa ki da ka jingibeiñ, bad ki Israel kin shong skhem. Te kin tip ba nga long U Trai U Blei jong ki.”

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

JOEL 3:20

Ngan pynhiarkput na ka bynta kito kiba la shah pynïap; ngan ym map ïa kiba leh kam sniew. Hynrei ha Judah bad Jerusalem yn don ki nongshong shnong junom, bad ma nga U Trai, ngan shong ha u lum Seïon.”

SEPHANAÏAH 3:20

Ka por ka poi! Ngan wallam sha ïing ïa ki briew jong pha kiba la shah pynsakma; ngan pynlong ïa pha kaba pawnam ha kylleng ka pyrthei bad ngan pynlong ïa pha kaba manbha pat.” U Trai u la kren.

SEKHARAÏAH 14:11

Ki briew kin shong kin sah hangta ha ka jingshngain, kin ym shah byrngem shuh da ka jingpynjot.

SEKHARAÏAH 3:10

Haba kata ka sngi ka wan, uwei uwei na phi un khot sngewbha ïa la u paramarjan ban wan bad ban lehkmen ïa ka jingsuk bad ka jingshngain, ba la ker sawdong da ki bri sohwaiñ bad ki diengsoh Dumbur.”