JEREMAÏAH 32:36 - Khasi CL Bible (BSI)

³⁶ U Trai, U Blei ki Israel, u la ong ha nga, “Ko Jeremaïah, ki briew ki ïa-ong ba ka thma, ka jingïapthngan, bad ka jingpang kin pynlong ïa kane ka nongbah ban hap ha ki kti jong u syiem ka Babilonia. Mynta, to shahshkor ïa kaei de kaba nga don ban ong.

KA BAIBL

³⁶ Bad namar kata te, kumne u ong U Trai, U Blei ki Israel, shaphang kane ka nongbah ïa kaba phi ong, “La ai ïa ka ha ka kti u syiem ka Babilon da ka waitlam, bad da ka 'nemsniew, bad da ka jingïapkhlam:”

JEREMAÏAH 32:36 ပူးပေါင်းရင်းမြစ်များ

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:28

Ngan sa ai ïa kane ka nongbah ha u Nebukhadnessar u syiem ka Babilonia bad ka kynhun shipai jong u; kin kurup ïa ka bad thang ïa ka da ka ding.

JEREMAÏAH 32:3

U syiem Sedekaïah u la set byndi ïa nga hangta bad u la mudui ba nga la pynbna ba U Trai u la ong, “Ngan pynlong ba u syiem ka Babilonia un kurup ïa kane ka nongbah, bad u syiem Sedekaïah un ym lait im.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

HOSIA 2:14

Te ngan leit ïalam biang ïa ka sha ri shyiap; hangta ngan khroh biang ïa ka da ki ktien ieit.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.