JEREMAÏAH 32:35 - Khasi CL Bible (BSI)

³⁵ Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

KA BAIBL

³⁵ Bad ki la tei ïa ki jaka bajrong jong u Baal, kiba long ha ka them u khun u Hinnom, ban pynïaid ïa ki khun shynrang bad khun kynthei jong ki lyngba ïa ka ding sha u Molek; ïa kaba ngam shym la hukum ïa ki, lymne kam shym la poi ha ka jingmut jong nga, ba kin leh ïa kane ka jingijli; ban pynleh pop ïa u Judah.”

JEREMAÏAH 32:35 ပူးပေါင်းရင်းမြစ်များ

1 SYIEM 11:33

Ngan leh ïa kane namar u Solomon u la kyntait ïa nga bad u la mane ïa ki blei nongwei: ka Astarte, ka blei ki Sidon; u Khemosh, u blei ki Moab; bad u Molekh, u blei ki Ammon. U Solomon u la lyndet ïa nga; u la leh palat, bad um shym la sumar ïa ki aiñ bad ki hukum jong nga kumba u Dabid u kpa jong u, u la leh.

1 SYIEM 11:7

Halor u lum uba sha mihngi na Jerusalem u tei ka jaka mane ïa u Khemosh, u blei ba-ijli jong ki Moab, bad ka jaka mane ïa u Molekh, u blei ba-ijli jong ki Ammon.

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

1 SYIEM 15:26

Kum u kpa jong u ha shuwa jong u, u la leh pop pyrshah ïa U Trai bad u la ïalam ïa ki Israel ban leh pop.

1 SYIEM 15:30

Kane ka la jia namar u Jeroboam u pynkhih bitar ïa U Trai, U Blei ki Israel, da ki pop kiba u la leh bad u la pynlong ïa ki Israel ban leh pop.

1 SYIEM 16:19

Kane ka la jia namar ki pop jong u pyrshah ïa U Trai. Kum u Jeroboam uba ha shuwa jong u, u la pynsngewsih ïa U Trai da ki pop jong u hi bad da kaba ïalam ïa ki Israel ban leh pop.

1 SYIEM 21:22

Ka longïing jong me kan long kum ka longïing u syiem Jeroboam u khun jong u Nebat, bad kum ka longïing u syiem Baasha u khun jong u Ahijah, namar ba me la pynkhih bitar ïa nga da kaba ïalam ïa ki Israel ban leh pop.’

2 SYIEM 21:11

“U syiem Manasseh u la leh ïa kine kiei kiei kiba ijli, kiei kiei kiba kham sniew ban ïa kaei kaba ki nong Kanaan ki la leh, bad ryngkat bad ki bleithaw jong u, u la ïalam ïa ki briew jong ka Judah ban leh pop.

2 SYIEM 21:4

U tei ïa ki duwan ba-thala ha ka Templ, ka jaka kaba U Trai u la ong ba dei ban mane ïa u.

2 SYIEM 23:10

U syiem Josaïah ruh u la ñiewsang ïa ka Topheth, ka jaka mane thala ha Them Hinnom, khnang ba yn ym don uwei ruh u ban kñia ïa la u khun ne ka khun kum ka jingainguh thang ïa u blei Molekh.

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

2 SYIEM 3:3

Pynban, kum u syiem Jeroboam u khun jong u Nebat uba ha shuwa jong u, u la ïalam ïa ki Israel ban leh pop, bad um shym sangeh.

2 KHRONIKL 33:6

U kñia ïa la ki khun shynrang ha ka Them Hinnom kum ki jingainguh thang. U leh ïa ki jingkhan bad ki jingleh myntor bad u wad jingmut na ki nongbatai kupar bad ki nongleh byrtong. U leh pop palat pyrshah ïa U Trai bad u pynkhih ïa ka jingbitar jong U.

2 KHRONIKL 33:9

U Manasseh u ïalam ïa ki paid Judah ban leh ïa ki pop kiba kham khraw ban ïa kito kiba ki jaitbynriew kiba U Trai u la beh noh na ka ri katba ki briew jong u ki dang tur shaphrang.

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

EKSODOS 32:21

U ong ruh ha u Aaron, “Aïu kine ki briew ki la leh ïa phi, haduh ba phi la pynlong ïa ki ban leh ïa ka pop kaba ishyrkhei kat kane?”

ISAÏAH 57:5

Phi mane ïa ki blei pynkharoi da kaba ïathiah shongkha hapoh ki dieng bakyntang jong phi; phi ai ïa la ki khun kum ki jingkñia hapoh ki synrang mawsiang harud ki phud wahduid.

JEREMAÏAH 19:2

bad ban leit lyngba ka Khyrdop Khra-pait shabar sha ka Them Hinnom. Hangta nga dei ban pynbna ïa ka khubor kaba un ai ha nga.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.

ESEKIEL 23:37

Ki la klim bad pynïap briew — kaba klim bad ki bleithaw bad ka jingpynïap ïa ki khun kiba la kha na ka bynta jong nga. Ki kñia ïa ki khun jong nga ha ki bleithaw jong ki.

LEBITIKOS 18:21

Wat ai noh ïano ïano na ki khun jong me ba yn pyndonkam ha ka jingmane ïa u blei Molekh, naba kata kan pynjahburom ïa ka kyrteng U Blei, U Trai.

KI KAM 7:43

Ka la long ka ïingjaiñ jong u blei Molekh uba phi la bah, bad ka dur jong u Rephan, u blei khlur jong phi; ki la long ki bleithaw kiba phi la thaw ïa ka ban mane. Bad kumta ngan phah ïa phi sha ka jinglongmraw sha palat ka Babilon.’

DEUTERONOMI 12:31

Wat mane ïa U Trai U Blei jong phi kumba ki mane ïa ki blei jong ki, namar ba ha kaba mane ïa ki, ki leh ruh ïa ki kam isaitmet baroh kiba U Trai u isih. Ki kñia wat ïa la ki khun ki kti ruh ha ka ding halor ki duwan jong ki.

DEUTERONOMI 18:10

Wat kñia ïa la ki khun da kaba thang ïa ki ha ka duwan jong phi; wat shah ïa la ki briew ban khan, lane ban shat ban kheiñ, lane ban ai myntor,

DEUTERONOMI 24:4

uta u tnga nyngkong um dei shuh ban ïapoi shongkurim bad ka, namar ba ka la shah pyntngit. Lada u leh kumta, kan long kaba ijli ha khmat U Trai, bad phim dei ban leh kum kata ka pop kaba sngewshyrkhei ha kata ka ri ba U Trai U Blei jong phi u ai ha phi.