JEREMAÏAH 32:34 - Khasi CL Bible (BSI)

³⁴ Ki buh wat ïa ki bleithaw ba-ijli jong ki ha ka Templ ba la tei na ka bynta ka jingmane ïa nga, bad ki la pyntngit ïa ka.

KA BAIBL

³⁴ Hynrei, ki la buh ïa ki jingijli jong ki ha ka ïing ïa kaba la khot da ka kyrteng jong nga, ban pyntngit ïa ka.

JEREMAÏAH 32:34 ပူးပေါင်းရင်းမြစ်များ

2 SYIEM 21:1

U Manasseh u la dap khat-ar snem ka rta mynba u long syiem ka Judah, bad u synshar sanphew san snem ha Jerusalem. Ka kmie jong u ka dei ka Hephsibah.

2 SYIEM 23:6

U weng noh na ka Templ ïa ka dur jong ka blei Asherah, bad rah ïa ka shabar ka nongbah sha ka Them Kidron, u thang ïa ka, u pynlwet phum ïa u dpei jong ka, bad pynsaphred ïa ka ha jingtep paidbah.

2 KHRONIKL 33:15

U pynkynriah na ka Templ ïa ki blei nongwei bad ïa ka durblei kaba u la buh hangta, bad ki duwan ki blei thala kiba la don halor u lum ha kaba ka Templ ka la ïeng bad ha kiwei ki jaka ha Jerusalem; u kit lut ïa kine kiei kiei shabar ka nongbah bad u bret lut ïa ki.

2 KHRONIKL 36:14

Nalor kane, ki nongïalam ka Judah, ki lyngdoh, bad ki briew ki bud ïa ka jingleh bymman jong ki jaitbynriew sawdong jong ki ha kaba mane ïa ki bleithaw, bad kumta ki pyntngit ïa ka Templ, ïa kaba U Trai da lade hi u la pynlong kaba kyntang.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 23:11

U Trai u ong, “Ki nongïathuhlypa bad ki lyngdoh ki long ki bymriewblei; nga la lap ïa ki ba ki leh bymman ha ka Templ hi.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 34:15

Dang tang khyndiat sngi mynshuwa phi la kylla jingmut bad phi la leh ïa kaei kaba pynsngewbha ïa nga. Baroh na phi, phi la ïamynjur ban pyllaitluid noh ïa la ki para Israel, bad phi la pynlong ïa ka jutang ha ka jingdon ryngkat jong nga, ha ka Templ ha kaba la mane ïa nga.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:10

Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

JEREMAÏAH 7:31

Ha ka Them Hinnom ki la tei ka duwan ba la khot ka Topheth, khnang ba ki lah ban kñia ïa ki khun shynrang bad ki khun kynthei jong ki hapoh ka ding. Ngam shym la hukum ïa ki ban leh ïa kane — kam shym la rung wat ha ka jingpyrkhat jong nga.