JEREMAÏAH 32:3 - Khasi CL Bible (BSI)

³ U syiem Sedekaïah u la set byndi ïa nga hangta bad u la mudui ba nga la pynbna ba U Trai u la ong, “Ngan pynlong ba u syiem ka Babilonia un kurup ïa kane ka nongbah, bad u syiem Sedekaïah un ym lait im.

KA BAIBL

³ Namar u Sedekaïah u syiem ka Judah u la set ïa u, u da ong, “Balei me ïathuhlypa, bad me ong, ‘Kumne u ong U Trai, “Ha khmih, ngan ai ïa kane ka nongbah ha ka kti u syiem ka Babilon, bad un shim ïa ka:

JEREMAÏAH 32:3 ပူးပေါင်းရင်းမြစ်များ

2 KHRONIKL 28:22

Katba ki jingjynjar ki nang jur, u Ahas u la leh pop shuh shuh pyrshah ïa U Trai.

EKSODOS 5:4

Hynrei u Pharaoh u la ong ha u Moses bad u Aaron, “Phi mut kumno da kaba pynlong ïa ki briew ban leh klet ïa la ki kam? Ong ïa ki ban leit sha la ki kam ki kam!

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 21:3

Te U Trai u la kren ha nga, bad nga la ïathuh ha ki rangbah kiba la phah sha nga ban ïathuh ha u Sedekaïah ba U Trai, U Blei ki Israel u la ong,

JEREMAÏAH 27:8

“Hynrei lada kano kano ka jaitbynriew lane ka hima kam pyndem ha ka jingsynshar jong u, te ngan pynshitom ïa kata ka jaitbynriew da ka thma, ka jingïapthngan bad da ka jingpang tad haduh ba ngan da shah ïa u Nebukhadnessar ban pynjot khoit ïa ka.

JEREMAÏAH 34:21

Ngan ai ruh ïa u Sedekaïah u syiem ka Judah bad ïa ki rangbah synshar jong u sha kito kiba kwah ban pynïap ïa ki. Ngan aiti ïa ki sha ka kynhun shipai Babilonia, kaba la sangeh ban tur ïaleh ïa phi.

JEREMAÏAH 36:29

U Trai u la ong ïa nga ban ong ha u syiem, “Me la thang ïa ka kot kli, bad me la kylli ïa u Jeremaïah balei ba u la thoh ba u syiem ka Babilonia un wan bad pynjot ïa kane ka ri bad pynïap ïa ki briew jong ka bad ki mrad jong ka.

JEREMAÏAH 37:4

Ïa nga ym pat shym la set ha ka byndi bad nga dang ïaid laitluid hapdeng ki briew.

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:3

Nga la ong ruh ïa ki ba U Trai u la ong, “Ngan ai noh ïa ka nongbah ha ka kynhun shipai Babilonia, bad kin kurup ïa ka.”

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

JEREMAÏAH 38:8

Kumta u Ebedmelekh u la leit shata bad ong ïa u syiem.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

SNGEWSYNEI 1:14

“U la kynmaw ïa ki pop jong nga baroh bad u la teh lang ïa ki baroh; u la sdien ïa ki ha u ryndang jong nga, bad nga la sdang tlot hapoh ka jingbankhia. U Trai u la ai ïa nga ha ki nongshun jong nga, bad ngam lah leh ei ei pyrshah ïa ki.

AMOS 7:13

Wat ïathuhlypa shuh hangne ha Bethel. Kane ka dei ka jaka mane Blei jong u syiem, ka Templ jong ka hima.”

LOUKAS 20:2

“To ïathuh ïa ngi, me donhok aïu ban leh ïa kine kiei kiei baroh? Mano ba ai ha me ïa kane ka hok?”