JEREMAÏAH 32:25 - Khasi CL Bible (BSI)

²⁵ Pynban, ko Trai Nongsynshar, me long ma me uba la hukum ïa nga ban thied ïa ka lyngkha ha ka jingdon lang ki sakhi, wat la ka nongbah ka la jan shah kurup ha ki nong Babilonia.”

KA BAIBL

²⁵ Te me la ong ha nga, A Trai U Blei, ‘To thied ma me ïa ka lyngkha da ki tyngka, bad to khot ki sakhi;’ la ïa ka nongbah la ai noh ha ka kti ki Khaldi.”

JEREMAÏAH 32:25 ပူးပေါင်းရင်းမြစ်များ

SALM 77:19

Me la ïaid lyngba ki jingat phyllung; me la jam ïa ka duriaw kaba jylliew, hynrei ïa ki dien'jat jong me ym lah ban ïohi.

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

JEREMAÏAH 24:10

Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:26

Te U Trai u la ong ha nga,

JEREMAÏAH 32:43

Ki briew ki ïa-ong ba kane ka ri kan long kum ka ri shyiap ha kaba ki briew lymne ki mrad kin im, bad ba ïa ka yn ai noh sha ki nong Babilonia. Hynrei ïa ki lyngkha yn sa thied pat ha kane ka ri.

JEREMAÏAH 32:8

Te kumba U Trai u la ong, u Hanamel u la wan sha nga hangta ha ka phyllaw bad u la ong ïa nga ba ngan thied ïa ka lyngkha. Kumta nga sngewthuh ba U Trai u la kren shisha ha nga.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

ÏOANNIS 13:7

U Jisu u la jubab ïa u, “Mem sngewthuh satia mynta ïa kaei kaba nga leh, hynrei men sa sngewthuh hadien.”