JEREMAÏAH 32:24 - Khasi CL Bible (BSI)

²⁴ “Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

KA BAIBL

²⁴ ha khmih, ki kynton ïaleh ki la wan sha ka nongbah ban jop ïa ka; bad ïa ka nongbah la ai noh ha ka kti ki Khaldi kiba ïaleh ïa ka; namar ka waitlam, bad namar ka 'nemsniew, bad namar ka khlam: te kata kaba me la kren ka la jia; bad, ha khmih, me ïohi ïa ka.

JEREMAÏAH 32:24 ပူးပေါင်းရင်းမြစ်များ

2 SAMUEL 20:15

Ki rangbah jong u Joab ki la ïohsngew ba u Sheba u don hangta, bad kumta ki la leit ban kerkut ïa ka nongbah. Ki tei ka kynton stong marpyrshah ïa ka kynroh kaba phai shabar bad ki la sdang ruh ban tih sha trai ka kynroh ban pynkhyllem ïa ka.

ISAÏAH 37:33

“Kane ka long kaei kaba U Trai u la ong shaphang u patsha Assyria: ‘Un ym ïohrung ha kane ka nongbah lane siat ïa uwei u khnam pyrshah ïa ka. Yn ym don ki shipai lem bad ki stieh ki ban wan hajan ka nongbah, bad yn ym don ka kynton ba la tei ha sawdong jong ka.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 20:5

Ngan shah ruh ba ki nongshun jong ki kin lute ïa baroh ka spah jong kane ka nongbah bad kurup ïa ka jingdon jingem baroh, wat ïa ki jingkynshew jong ki syiem ka Judah, bad kit noh ïa kiei kiei baroh sha Babilonia.

JEREMAÏAH 24:10

Ngan wanlam ïa ka thma, ïa ka 'nemsniew, bad ïa ka jingïapthngan halor jong ki haduh ba yn ym don shuh wat uwei ruh na ki u ban lait ha kata ka ri ba nga la ai ha ki bad ha ki kpa tymmen jong ki.”

JEREMAÏAH 29:17

U Trai Badonbor Baroh u ong, ‘Nga wallam ka thma, ka jingïapthngan, bad ka jingpang ha ki, bad ngan pynlong ïa ki kum ki soh Dumbur kiba la pyut eh ïa ka ban bam.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 32:25

Pynban, ko Trai Nongsynshar, me long ma me uba la hukum ïa nga ban thied ïa ka lyngkha ha ka jingdon lang ki sakhi, wat la ka nongbah ka la jan shah kurup ha ki nong Babilonia.”

JEREMAÏAH 32:28

Ngan sa ai ïa kane ka nongbah ha u Nebukhadnessar u syiem ka Babilonia bad ka kynhun shipai jong u; kin kurup ïa ka bad thang ïa ka da ka ding.

JEREMAÏAH 32:3

U syiem Sedekaïah u la set byndi ïa nga hangta bad u la mudui ba nga la pynbna ba U Trai u la ong, “Ngan pynlong ba u syiem ka Babilonia un kurup ïa kane ka nongbah, bad u syiem Sedekaïah un ym lait im.

JEREMAÏAH 32:36

U Trai, U Blei ki Israel, u la ong ha nga, “Ko Jeremaïah, ki briew ki ïa-ong ba ka thma, ka jingïapthngan, bad ka jingpang kin pynlong ïa kane ka nongbah ban hap ha ki kti jong u syiem ka Babilonia. Mynta, to shahshkor ïa kaei de kaba nga don ban ong.

JEREMAÏAH 32:5

Ïa u Sedekaïah yn rah noh sha Babilonia bad un sah hangta haduh ba ngan da pyndep ïa kaei ban leh ïa u. Wat lada un ïaleh ïa ki nong Babilonia, un ym lah ban jop. Ma nga U Trai, nga la kren.”

JEREMAÏAH 33:4

Ma nga, U Trai, U Blei ki Israel, nga ong ba ki ïing ha Jerusalem bad ka ïingsyiem Judah kin sa shah pynkhyllem na ka daw jong ka jingshah kerkut bad ka jingtur ïaleh.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 52:4

bad kumta u Nebukhadnessar u wan lem bad ka kynhun shipai jong u baroh bad u tur ïaleh ïa ka Jerusalem ha ka sngi kaba shiphew jong u bnai uba shiphew ha ka snem kaba khyndai jong ka jingsynshar u Sedekaïah.

JEREMAÏAH 52:6

Ha ka sngi kaba khyndai jong u bnai uba saw jong kata kajuh ka snem, haba ka 'nemsniew ka la jur palat kat haduh ba ki briew kim don ei ei shuh ban bam, ïa ki kynroh ka nongbah la pynpei lyngba.

JEREMAÏAH 6:6

U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

ESEKIEL 14:21

Kane ka dei kaei kaba U Trai Nongsynshar u ong: “Ngan phah ïa ki saw tylli ki jingpynshitom basniew tam jong nga ha ka Jerusalem — ka thma, ka 'nemsniew, ki mradkhlaw, bad ka jingpang — ban pynjot ïa ki briew bad ki mrad kumjuh.

ESEKIEL 21:22

Mynta! Ka kti kamon jong u ka bat ïa ka jingkdew ba la thoh ‘Jerusalem’! Ka ïathuh ïa u ban leit bad buh ïa ki dieng tyndung pynpra kynroh, ban pyrta ïa ka jingkyang thma, ban buh ïa ki dieng tyndung pynpra kynroh pyrshah ïa ki khyrdop, ban bret shajrong ïa ka khyndew ba la tih, bad ban tih ïa ki kharai.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

ESEKIEL 26:8

Kito kiba shong basah ha ki shnong ha ka ri kin shah pynïap ha ka jingïaleh. Ki nongshun kin tih ïa ki kharai, kin tei ïa ki kynton khyndew, bad pynlong ki kynroh baskhem pyrshah ïa pha.

ESEKIEL 4:2

Nangta, ban pyn-i nuksa ïa ka jingshah kerkut, buh ki kharai, ki kynton khyndew, ki jaka sher dara bad ki tiar pynpait kynroh baroh sawdong jong ka.

HABAKKUK 1:10

Ki ñiewbeiñ ïa ki syiem bad ki rkhiebeiñ ïa ki rangbah synshar ba-halor. Ym don ka kut kaba lah ban pynsangeh ïa ki — ki kynton ïa ka khyndew pyrshah ïa ka bad ki knieh ïa ka.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.