JEREMAÏAH 32:23 - Khasi CL Bible (BSI)

²³ Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

KA BAIBL

²³ te ki la wan, bad ki la ïoh ïa ka; hynrei, kim shym la kohnguh ïa ka ktien jong me, lymne ïaid ha ka hukum jong me; kim shym la leh ei ei na kata baroh ba me la hukum ïa ki ban leh: namar kata, me la pynwan ha ki ïa kane baroh ka jingsniew:

JEREMAÏAH 32:23 ပူးပေါင်းရင်းမြစ်များ

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

NEHEMAÏAH 9:15

“Haba ki thngan, me ai kpu ïa ki na bneng, bad ka um na u mawsiang haba ki sliang. Me ong ïa ki ban shimti bad pynïaid ïa ka ri kaba me la kular ban ai ha ki.

SALM 78:10

Kim shym bat ïa ka jutang jong ki bad U Blei; ki kyntait ban kohnguh ïa ka aiñ jong u.

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 26:4

U Trai u la bthah ïa nga ban ong ha ki briew, “Ma nga, U Trai, nga la ong ba phi dei ban kohnguh ïa nga da kaba bud ïa ka jinghikai kaba nga la ai ha phi,

JEREMAÏAH 44:10

Hynrei haduh kane ka sngi phim shym la pynrit ïa lade. Phim shym la pyndonburom ïa nga lane im kat kum ki aiñ baroh kiba nga la ai ha phi bad ki kpa tymmen jong phi.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

SNGEWSYNEI 1:8

Ka burom jong ka, ka la leit noh; ka la lyngkhuit bad ka la don ha ka jingshah ñiewbeiñ. Ka ud bad ka buhrieh ïa la ka durkhmat ha ka jinglehrain. Ka Jerusalem ka la pynjakhlia ïa lade da ka pop kaba shyrkhei.

ESEKIEL 20:18

Pynban, nga la maham ïa ki samla hapdeng jong ki: Wat sumar ïa ki aiñ kiba ki kpa tymmen jong phi ki thaw; wat bud ïa ki rukom jong ki lane pyntngit ïa lade da ki bleithaw jong ki.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

ESEKIEL 20:8

Hynrei ki la ïaleh pyrshah ïa nga bad ki la kyntait ban shahshkor. Kim shym la bret noh ïa ki bleithaw ba-ijli jong ki lane iehnoh ïa ki blei jong ki nong Ijipt. Nga la kloi ban shah ïa ki ban sngew ïa ka bor ba-pura jong ka jingbitar jong nga hangta ha Ijipt.

LOUKAS 17:10

Ka long kumjuh bad phi; haba phi la pyndep ïa baroh kaba la bthah ïa phi ban leh, to ong, ‘Ngi long ki tang ki shakri, ngi la pyndep tang ïa ka kamram jong ngi.’ ”

ÏOANNIS 15:14

Bad phi long ki paralok jong nga lada phi leh ïa kaei kaba nga hukum ïa phi.

GALATIA 3:10

Kita kiba shaniah ha kaba kohnguh ïa ka Hukum ki im hapoh ka jingtim. Naba ka Jingthoh Bakhuid ka ong, “Uno uno ruh u bym ïai kohnguh ïa baroh kaba la thoh ha ka kitab ka Hukum u long hapoh ka jingtim U Blei!”

JAKOB 2:10

Uno uno uba pynkheiñ ïa kawei ka hukum u long uba shah pynrem ha kaba pynkheiñ ïa ki baroh.

JOSHUA 21:43

Kumta U Trai u la ai ha ki Israel ïa ka ri baroh ïa kaba u la kular da kaba kyntang ha ki kpa tymmen jong ki ba un ai ha ki. Haba ki la shimti ïa ka, ki la shongduh hangta.

JOSHUA 23:16

Lada phim sumar ïa ka jutang kaba U Trai U Blei jong phi u la hukum ïa phi ban sumar bad lada phi shakri bad mane ïa kiwei pat ki blei, kumta te ha ka jingbitar jong u, un pynshitom ïa phi, bad shen ym don uwei ruh na phi u ban lait im ha kane ka ri babha kaba u la ai ha phi.”