JEREMAÏAH 32:20 - Khasi CL Bible (BSI)

²⁰ Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

KA BAIBL

²⁰ uba la buh ki dak bad ki jingphylla ha ka ri Ijipt haduh kane ka sngi keiñ, kumjuh ha Israel bad hapdeng kiwei pat ki briew; bad uba la pynlong ïa lade ka kyrteng, kumba ka long ha kane ka sngi;

JEREMAÏAH 32:20 ပူးပေါင်းရင်းမြစ်များ

2 SAMUEL 7:23

Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

1 KHRONIKL 17:21

Ym don kawei pat ka jaitbynriew ha ka pyrthei kum ki Israel, ïa kaba me la pyllait im na ka jinglongmraw ban pynlong ïa ki ka jaitbynriew jong me. Kiei kiei ki bakhraw bad baphylla kiba me la leh na ka bynta jong ki, ki pynphriang ïa ka nam jong me kylleng sawdong ka pyrthei. Me la pyllait im ïa ki briew jong me na Ijipt bad pynher krad ïa kiwei ki jaitbynriew katba ki briew jong me ki nang tur shaphrang.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

NEHEMAÏAH 9:11

Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

SALM 135:9

Hangta u la leh ïa ki kambah bad ki kamphylla ban pynshitom ïa u syiem bad ïa ki rangbah synshar jong u baroh.

EKSODOS 10:2

bad ba phi lah ban ïathuh ha ki khun ki ksiew jong phi kumno nga la pynpaw bieit ïa ki nong Ijipt haba nga leh ïa kine ki kambah. Phi baroh phin tip ba nga long U Trai.”

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

ISAÏAH 63:14

Kumba ïalam ïa ki jingri sha ka them baseisoh, kumta U Trai u ai ka jingjahthait ha ki briew jong u. U ïalam ïa ki briew jong u bad pyndonburom ïa la ka kyrteng.

JEREMAÏAH 13:11

Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

DANIEL 6:28

U Daniel u la manbha ha ka por ba u Darius u synshar bad ha ka jingsynshar jong u Syros u nong Persia.

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

DEUTERONOMI 11:3

Phi la ïohi kumno u la leh ïa u syiem ka Ijipt bad ïa ka ri jong u baroh kawei.

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 6:22

Ngi la ïohi da la ki khmat ba u la leh ïa ki kamphylla bad ïa kiei kiei kiba ishyrkhei pyrshah ïa ki Ijipt, ïa u syiem jong ki, bad ïa ki rangbah synshar jong u baroh.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.