JEREMAÏAH 32:19 - Khasi CL Bible (BSI)

¹⁹ Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

KA BAIBL

¹⁹ u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

JEREMAÏAH 32:19 ပူးပေါင်းရင်းမြစ်များ

1 SYIEM 8:32

A Trai, to shahshkor na bneng bad bishar ïa ki shakri jong me. Pynshitom ïa uta u nongleh palat kumba ka dei hok ïa u ban ïoh, bad pynksan ïa uta uba lui lui.

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

Ka Kitab U Job 34:11

U ai bainong ïa ki briew ïa kaei kaba ki leh bad u leh ha ki kat kum kaba ki dei hok.

Ka Kitab U Job 34:21

U peit-thuh ïa ki sien jam ba ki briew ki jam.

SALM 111:2

A katno kiba phylla long kiei kiei kiba U Trai u la leh! Baroh kiba la kmen bad ki, ki kwah ban shemphang ïa ki.

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

SALM 92:6

Kane ka dei kaei kaei kaba uba bieit um lah ban tip; u briew uba mutlop um lah ban sngewthuh:

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

PROBERB 8:14

Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

ISAÏAH 28:29

Kane baroh ka jingstad ka wan na U Trai Badonbor Baroh. Ki jingthmu U Blei ki long kiba stad bad ki long borabor kiba wallam jingjop!

ISAÏAH 40:13

Don uno uno uba lah ban ïathuh kaei ba U Trai u leh? Mano ba lah ban hikai ïa u lane ban ai jingmut ïa u?

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

SEKHARAÏAH 9:1

Kane ka long ka khubor jong U Trai: U la rai pynshitom ïa ka ri Hadrakh bad ïa ka nongbah Damaskos. Ym tang ki jait Israel hynrei ka nongbah Syria ruh ka long ka jong U Trai.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.