JEREMAÏAH 32:18 - Khasi CL Bible (BSI)

¹⁸ Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

KA BAIBL

¹⁸ uba leh ïa ka jingisynei ha ki hajar, bad uba siew bainong ïa ka pop ki kpa ha ka shadem ki khun jong ki, hadien jong ki: U Blei bakhraw, bad badonbor, ‘U Trai ki paid’ long ka kyrteng jong u:

JEREMAÏAH 32:18 ပူးပေါင်းရင်းမြစ်များ

JENESIS 49:24

Hynrei ka ryntieh jong u ka neh khlem khih, Bad ïa ki ksang'ti jong u la pynkhlaiñ Da ka bor jong U Blei Uba Khlaiñbor jong u Jakob, Da u Nongap langbrot, U nongïada jong ki Israel.

2 SYIEM 9:26

‘Nga la ïohi mynhynnin ïa ka jingpynïap ïa u Naboth bad ki khun shynrang jong u. Bad nga kular ba ngan pynshitom kylliang ïa me ha kane hi ka jaka.’ Kumta shim ïa ka met jong u Joram,” u Jehu u hukum ïa u nongbud jong u, “bad leit bret ïa ka ha ka lyngkha kaba dei ka jong u Naboth, khnang ban pyndep ïa ka jingkular jong U Trai.”

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

SALM 50:1

U Blei Badonbor Baroh, U Trai, u kren; u khot ïa ka pyrthei baroh kawei naduh mihngi shaduh sepngi,

SALM 89:9

Me synshar halor ka duriaw badonbor; me pynjai jai ïa ki jingat phyllung ba khih bitar.

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 10:21

Khyndiat ngut ki paid Israel kin wan phai sha U Blei bakhlaiñbor jong ki.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 10:6

A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 31:35

U Trai u pynbiang ïa ka sngi ban pynshai mynsngi, ïa u bnai bad ki khlur ban pynshai mynmiet. U pynkhih ïa ka duriaw bad pynlong ïa ka ban kyrhuh; ka kyrteng jong u ka long U Trai Badonbor Baroh.

JEREMAÏAH 33:2

U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

HABAKKUK 1:12

A Trai, naduh kaba nyngkong eh me long U Blei. Me long U Blei jong nga, uba khuid bad uba bymjukut. A Trai, U Blei jong nga bad u nongïada, me la jied ïa ki nong Babilonia bad pynlong ïa ki, kiba khlaiñ khnang ba kin lah ban pynshitom ïa ngi.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

MATHAÏOS 27:25

U paidbah baroh u la jubab, “Ai ba ka jingkitkhlieh na ka bynta ka jingïap jong u kan hap halor jong ngi bad halor ki khun jong ngi!”

LOUKAS 6:38

Ai ha kiwei, bad U Blei un ai ha phi. Da shisha, phin ïohpdiang ka jingthew kaba dap biang, ka jingai basbun, kaba la theh ha ki kti jong phi — baroh kata kaba phi lah ban bat. Ka jingthew kaba phi pyndonkam na ka bynta kiwei ka long kata kaba U Blei un pyndonkam ïa phi.”

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

DEUTERONOMI 7:21

Kumta wat sheptieng ïa kita ki briew. U Trai U Blei jong phi u don ryngkat bad phi; u long U Blei uba donbor bad uba itieng.