JEREMAÏAH 32:17 - Khasi CL Bible (BSI)

¹⁷ “A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

KA BAIBL

¹⁷ “A Trai U Blei! ha khmih, me la thaw ïa ka bneng bad ïa ka khyndew da ka borbah jong me bad da ka ksang'ti ba la kner jong me; ym don ei ei ka bym lah bad me:

JEREMAÏAH 32:17 ပူးပေါင်းရင်းမြစ်များ

JENESIS 18:14

Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

2 SYIEM 3:18

Bad u Elisha u bteng, “Hynrei kane ka long kaba jem ïa U Trai ban leh; un ai ruh ha phi ka jingjop halor ki Moab.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

Ka Kitab U Job 42:2

Nga tip, A Trai, ba me long uba khrawbor tam; ba me lah ban leh ïa kaei kaei baroh kaba me kwah.

SALM 102:25

naduh slem bah me la thaw ïa ka pyrthei, bad da ki kti jong me hi me la thaw ïa ki bneng.

SALM 136:12

da ka kti bakhlaiñ jong u, ka ksang'ti badonbor jong u; ka jingieit jong u ka neh bymjukut.

EKSODOS 20:11

Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ISAÏAH 45:12

Nga long uta uba thaw ïa ka pyrthei bad pynlong ïa ki briew ban shong hangta. Da ka bor jong nga, nga pynpyiar ïa ki bneng; nga pynïaid ïa ka sngi, u bnai, bad ïa ki khlur.

ISAÏAH 59:1

Wat pyrkhat ba U Trai u tlot palat ban pynim ïa phi lane ba u kyllut palat ban ïohsngew ïa ka jingkyang jong phi ban ïoh jingïarap!

JEREMAÏAH 1:6

Nga jubab, “Ko Trai Nongsynshar, ngam tip kumno ban kren; nga dang khynnah eh.”

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 21:2

“Sngewbha ban kren ha U Trai na ka bynta jong ngi, namar u Nebukhadnessar u syiem ka Babilonia bad ka kynhun shipai jong u ki la wan kerkut ïa ka nongbah. Lehse U Trai un leh kawei na ki kambah jong u na ka bynta jong ngi, bad un pynbor ïa u Nebukhadnessar ba un kynran dien noh.”

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

JEREMAÏAH 32:27

“Nga long U Trai, U Blei ki jaitbynriew baroh. Ym don kaei kaei kaba eh than ïa nga ban leh.

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

JEREMAÏAH 51:15

U Trai u la thaw ïa ka khyndew da ka bor jong u; da la ka jingstad u la thaw ïa ka pyrthei bad pynïar ïa ki bneng.

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

ESEKIEL 11:13

Katba nga dang ïathuhlypa, u Pelataïah u la kyllon ïap. Nga la rynsied pyllup ïa lade ha khyndew bad pyrta jam, “Em, ko Trai Nongsynshar! Hato men pynïap ïa uwei uwei baroh ba dang sah ha Israel?”

ESEKIEL 9:8

Katba ka jingpynïap ka dang ïaid, nga la don hangta marwei. Nga dem khrup ha khyndew bad nga pyrta, “Ko Trai Nongsynshar, hato me la bitar palat ïa ka Jerusalem ba men pynïap lut ïa baroh kiba dang sah ha Israel?”

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

SEKHARAÏAH 8:6

“Kane ka lah ban i kum ka bym lah long ha kito ki jaitbynriew kiba dang sah mynta, hynrei kam long ka bym lah ban long ïa nga.

JINGKHEIÑ 11:23

“Hato don u pud ïa ka bor jong nga?” U Trai u jubab. “Men sa ïohi shen la kata kaba nga la ong kan urlong ne em!”

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

MARKOS 10:27

U Jisu u la khmih shaiñ ha ki bad u la jubab, “Kane ka long ka bym lah ïa u briew, hynrei ym ïa U Blei; kiei kiei baroh ki long kiba lah ïa U Blei.”

LOUKAS 1:37

Naba ym don kano kano kaba U Blei um lah ban leh.”

LOUKAS 18:27

U Jisu u la jubab, “Kaei ka bym lah ha u briew ka long kaba lah ha U Blei.”

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

KI KAM 15:18

Kumta ong U Trai, uba la pyntip ïa kane slem bah mynshuwa.’

KI KAM 17:24

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”