JEREMAÏAH 31:9 - Khasi CL Bible (BSI)

⁹ Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

KA BAIBL

⁹ Kin sa ïawan da kaba ïam, bad da ki jingkyrpad ngan ïalam ïa ki: harud ki wah um ngan pynïaid ïa ki, na ka lynti kaba beit, ha kaba kin ym jynthut: namar nga long u kpa ïa ki Israel, bad u Ephraim u long u khun nyngkong jong nga.”

JEREMAÏAH 31:9 ပူးပေါင်းရင်းမြစ်များ

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

SALM 107:7

U la ïalam ïa ki na ka lynti kaba beit sha ka nongbah ha kaba ki lah ban shong ban sah.

SALM 23:2

U shah ba ngan shong jahthait ha ki madan phlang bajyrngam bad u ïalam ïa nga sha ki pung-um basngur kiba jai jai.

SALM 89:27

Ngan pynlong ïa u, u khun phrangsngi jong nga, uba khraw tam na ki syiem baroh.

EKSODOS 4:22

Te me dei ban ong ha u ba ma nga, U Trai, nga ong, ‘U Israel u long u khun nyngkong jong nga.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 43:20

Wat ki mradkhlaw kin burom ïa nga; ki myrsiang bad ki ostrit kin ïaroh ïa nga haba ngan pynlong ïa ki wah ba kin tuid ha ka ri shyiap ban ai um ïa ki briew ba la jied jong nga.

ISAÏAH 45:11

U Trai, U Blei bakhuid ki Israel, uta uba saiñdur ïa ka lawei, u ong: “Phim don hok ban kylli ïa nga shaphang ki khun jong nga lane ban ïathuh ïa nga kaei ba nga dei ban leh!

ISAÏAH 57:14

U Trai u ong, “To shah ïa ki briew jong nga ban wan phai sha nga. Bret noh ïa ki jingpynwit baroh na ki lynti ïaid jong ki! Shna ïa ka surok bad pynkhreh ïa ka!

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 3:4

“Bad mynta pha ong ha nga, ‘Me long u kpa jong nga, bad me la ieit ïa nga naduh ba nga dang khunlung.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 50:4

U Trai u ong, “Haba ka por ka poi, ki paid Israel bad Judah kin wan ïa-ïam, kin wad ïa nga, U Blei jong ki.

HOSIA 12:4

U ïaleh bad u angel bad u la jop. U la ïam bad pan ïa ka jingkyrkhu. Bad ha Bethel U Blei u la wan sha u kpa tymmen jong ngi u Jakob bad u la ïakren bad u.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

JINGKHEIÑ 2:18

Ha ka phang sepngi, kito kiba hapoh ka lama jong ka kynhun u Ephraim kin sher dara ha la ki kynhun jong ki, hapoh ki nongïalam jong ki, kumne harum. Ka jait Ephraim ha ka jingïalam u Elishama u khun jong u Ammihud ka don sawphew hajar sanspah ngut. Ka jait Manasseh ha ka jingïalam u Gamaliel u khun jong u Pedahsur ka don laiphew ar hajar arspah ngut. Ka jait Benjamin ha ka jingïalam u Abidan u khun jong u Gideoni ka don laiphew san hajar sawspah ngut. Baroh lang ki don shi lakh phra hajar shispah ngut. Ka kynhun u Ephraim kan long kaba lai ban ïaid.

MATHAÏOS 3:3

U Ïoannis u la long uta u briew ïa uba u Isaïah u nongïathuhlypa u la kren shaphang jong u haba u la ong, “U don uwei uba pyrta ha ka ri shyiap, To pynkhreh ka lynti ïa U Trai; to pynlong ka lynti kaba beit na ka bynta jong u ban ïaid!”

MATHAÏOS 5:4

Suk kito kiba sngewsih; U Blei un pyntngen ïa ki!

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

Ka Shithi U Paul Sha Ki Nong Rom 8:26

Ha kajuh ka rukom ruh U Mynsiem u wan ban ïarap ïa ngi, ha ka jingtlot kaba ngi don. Naba ngim tip kumno ngi dei ban duwai; U Mynsiem hi da lade u ïasaid bad U Blei na ka bynta jong ngi ha ki jingud kiba ki ktien kim lah ban pynpaw.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

HEBRU 12:13

Da ïaid ha ki lynti kiba beit, khnang ba ïa kata ka kjat kaba dkoh yn ym pynduhbor noh, hynrei pynban, yn pynkoit keiñ ïa ka.

HEBRU 12:23

Phi la wan sha ka jingïalumlang kaba kmen jong ki khun shynrang ba la kha nyngkong jong U Blei, kiba ïa ki kyrteng jong ki la thoh ha bneng. Phi la wan sha U Blei uba long u nongbishar ki bynriew baroh, bad sha ki mynsiem jong ki briew kiba bha ïa kiba la pynjanai.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.