JEREMAÏAH 31:7 - Khasi CL Bible (BSI)

⁷ U Trai u ong, “To rwai da ka jingkmen na ka bynta ki Israel, kiba khraw tam na ki jaitbynriew. To rwai ïa ka jingrwai jong ka jingïaroh jong phi, ‘U Trai u la pynim ïa la ki briew; u la pyllait im ïa baroh kiba dang sah.’

KA BAIBL

⁷ Naba kumne u ong U Trai, “To rwai da kaba kmen na ka bynta u Jakob, bad to risa na ka bynta ki rangbah ki jaid bynriew: ïa-pynbna phi, to ïaroh phi, bad to ong, ‘A Trai, pynim ïa ki briew jong me, kiba sah na ki Israel.’

JEREMAÏAH 31:7 ပူးပေါင်းရင်းမြစ်များ

SALM 106:47

To pynim ïa ngi, A Trai, U Blei jong ngi, bad wallam pat ïa ngi napdeng ki jaitbynriew, ba ngi lah ban sngewnguh bad ïaroh ïa ka kyrteng bakhuid jong me.

SALM 126:2

A katno ngi rkhie, katno ngi rwai da ka jingkmen! Nangta kiwei pat ki jaitbynriew ki ong shaphang jong ngi, “U Trai u la leh kiei kiei kiba khraw na ka bynta jong ki.”

SALM 14:7

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Trai un pyndap kyrhai biang ïa ki!

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

SALM 67:1

A Blei, to isynei ïa ngi bad to kyrkhu ïa ngi; to khmih halor jong ngi da ka jingbhasbun,

SALM 69:35

Un pynim ïa ka Jerusalem bad un tei pat ïa ki shnong jong ka Judah. Ki briew jong u kin shong hangta bad kin ïohkynti ïa ka ri;

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 37:31

Kito kiba lait im ha Judah kin roi kin san kum ki jingthung kiba ngam jylliew ki thied ha ka khyndew bad pynmih soh.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 52:8

Kito kiba ap phira ïa ka nongbah ki pyrta, ki pyrta lang da ka jingkmen! Ki lah ban ïohi da la ki jong ki khmat ïa ka jingwan jong U Trai sha Seïon!

ISAÏAH 61:9

Kin long kiba pawnam hapdeng ki jaitbynriew, uwei pa uwei uba ïohi ïa ki un tip ba ki long ki briew ïa kiba nga la kyrkhu.”

JEREMAÏAH 20:13

To rwai ha U Trai! To ïaroh ïa U Trai! u la pyllait im ïa kiba la shah banbeiñ na ka bor jong ki briew basniew.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 3:23

Ngim shym la ïoh jingïarap ei ei da ka jingmane jong ngi ka bym dei ïa me halor ki kliar lum. Ka jingïarap ïa ki Israel ka wan tang na U Trai U Blei jong ngi.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

ESEKIEL 6:8

“Ngan ailad ïa ki katto katne ban ïohlait na ka waitlam bad kin sakma hapdeng ki jaitbynriew, bad kin im kum kiba shah ringmraw.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEPHANAÏAH 2:9

Kumba shisha nga long U Trai uba im, U Blei jong ka Israel, nga smai ba ka Moab bad ka Ammon kin shah pynjot kum ka Sodom bad Gomorrah. Kin long ka jaka jong ki thliew mluh bad ki jingjot bymjukut, kaba la tap da ki ñiut. Kito na ki briew jong nga kiba lait im kin lute ïa ki bad shim ïa ka ri jong ki.”

Ka Shithi U Paul Sha Ki Nong Rom 11:5

Ka long kumjuh mynta: Don khyndiat ngut kiba dang sah na kito kiba U Blei u la jied namar ka jingaiei jong u.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

DEUTERONOMI 28:13

U Trai U Blei jong phi un pynlong ïa phi ki nongïalam napdeng ki jaitbynriew bad ym ki nongbud; phin ïai manbha bad phin ym kyrduh lada phi kohnguh ïa ki hukum jong u baroh kiba nga ai ha phi mynta ka sngi.

DEUTERONOMI 32:43

“Phi ki jaitbynriew, ïaroh ïa ki briew U Trai; naba u pynshitom ïa kito baroh kiba pynïap ïa ki. U pynhiarkput ïa ki nongshun jong u, bad u map ïa ki pop jong ki briew jong u.”