JEREMAÏAH 31:4 - Khasi CL Bible (BSI)

⁴ Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

KA BAIBL

⁴ Ngan tei pat ïa pha, bad phan long ïa kaba la tei, ko theisotti Israel: yn sa pynkieng pat da ki kanjari jong pha, bad phan leit mih ha ki jingïashad jong kita kiba leh kmen.

JEREMAÏAH 31:4 ပူးပေါင်းရင်းမြစ်များ

2 SYIEM 19:21

U Trai u la ong, “Ka nongbah Jerusalem ka rkhie ïa me, ko Sennakherib, bad ka kyntait beiñ ïa me.

SALM 149:3

To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

SALM 51:18

A Blei, to lehbha ïa ka Seïon bad to ïarap ïa ka; to tei pat ïa ki kynroh ka Jerusalem.

SALM 69:35

Un pynim ïa ka Jerusalem bad un tei pat ïa ki shnong jong ka Judah. Ki briew jong u kin shong hangta bad kin ïohkynti ïa ka ri;

ISAÏAH 14:1

U Trai sa shisien pat un sngewsynei ïa ki briew jong u ki Israel bad un jied ïa ki kum la ki jong. Un shah ïa ki ba kin shong kin sah ha la ka jong ka ri sa shisien pat, bad ki nongwei kin wan bad kin shong kin sah hangta bad ki.

ISAÏAH 30:32

Kumba U Trai u shoh bad u ïai shoh ïa ki, ki briew jong u pat kin ïa-ïaid ryngkat bad ki sur jong ki ksing bad ki duitara. U Blei hi da lade un ïaleh pyrshah ïa ki Assyria.

ISAÏAH 37:22

U Trai u la ong “Ka nongbah Jerusalem ka rkhie ïa me, ko Sennakherib, bad ka ñiewbeiñ ïa me.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 18:13

U Trai u ong, “Kylli ïa kawei pa kawei ka jaitbynriew la kaba kum kane kaei kaei ka la ju jia mynshuwa. Ki paid Israel ki la leh ïa kaei kaba shyrkhei!

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 31:13

Nangta ki samla kynthei kin shad bad kin kmen, bad ki shynrang, kiba samla bad kiba tymmen, kin shadkmen. Ngan pyntngen ïa ki bad pynkylla ïa ka jingïambriew sha ka jingkmen, ïa ka jingsngewsih jong ki sha ka jingsngewbha.

JEREMAÏAH 31:21

To pynïeng ki jingkdew lynti bad pruid dak ha ka surok; to wad biang ïa ka lynti kaba phi la iehnoh. To wan phai biang, ko phi ki paid Israel, to wan sha la ka ri, sha ki shnong kiba phi la iehnoh.

JEREMAÏAH 31:38

“Ka por kan poi,” ong U Trai, “haba ïa ka Jerusalem baroh kawei yn tei pat kum ka nongbah jong nga, naduh u Mot Hananel shaphang sepngi haduh ka Khyrdop Kyndong.

JEREMAÏAH 33:7

Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

SNGEWSYNEI 1:15

“U Trai u rkhiebeiñ ïa baroh ki shipai bakhlaiñ tam jong nga; u la phah ka kynhun shipai ban pynjot ïa ki samla shynrang jong nga. U la pynlwet ïa ki briew jong nga kum ïa ki sohwaiñ ha ka jaka khñiot sohwaiñ.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

LOUKAS 15:23

Nangta khie leit bad shim ïa u khun masi uba la pynsngaid bha bad pynïap ïa u, bad to ngin ïalehkmen da ka jingkhawai!

KI KAM 15:16

“ ‘Hadien kane ngan wan phai pat, ong U Trai, bad ngan pynïeng pat ïa ka hima jong u Dabid. Ngan tei pat ïa kaba la jot jong ka bad ngan pynkhlaiñ pat ïa ka.

NONGBISHAR 11:34

Haba u Jephthah u wan phai sha la ïing ha Mispah, ka khun jong u ka wan ban ïakynduh ïa u, ka da shad bad tem ïa ka ksing. Ka dei ka khun marwei jong u.