JEREMAÏAH 31:32 - Khasi CL Bible (BSI)

³² Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

KA BAIBL

³² ym kum kata ka jutang kaba nga la thaw bad ki kpa jong ki ha ka sngi ba nga la btin ïa ki na ka kti ban wallam ïa ki na ka ri Ijipt; ïa kata ka jutang jong nga ki la pynkheiñ, la nga la long u tnga ïa ki,” ong U Trai.

JEREMAÏAH 31:32 ပူးပေါင်းရင်းမြစ်များ

1 SYIEM 8:9

Ym don ei ei ruh hapoh ka Synduk ka Jutang lait tang ki ar tylli ki mawlyngkniap ïa kiba u Moses u la buh hangta ha u Lum Sinai, mynba U Trai u pynlong ka jutang bad ki paid Israel katba ki dang wan mihnoh na ri Ijipt.

SALM 73:23

Pynban nga ïai don ha syndah jong me, bad me bat ïa nga da ka kti.

SALM 78:37

Kim shym la shaniah ïa u; kim shym la ïaineh ha ka jutang jong ki bad u.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

JINGRWAI SOLOMON 8:5

Kaei kane kaba wan na ka ri shyiap, kaba ïasnohkti bad uba ieit jong ka? Hapoh u dieng apple nga la kyrsiew ïa phi, hapoh ka jaka ha kaba la kha ïa phi.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 41:13

Nga long U Trai U Blei jong me; nga pynkhlaiñ ïa me bad nga ong, ‘wat sheptieng; ngan ïarap ïa me.’ ”

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

JEREMAÏAH 11:3

ba ma nga, U Trai U Blei ki Israel, nga la buh ka jingtim halor uwei uwei baroh u bymkohnguh ïa ki kyndon jong kane ka jutang.

JEREMAÏAH 11:4

Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 22:9

Te kin jubab ba ka long namar ba phi la lyndet ïa ka jutang jong phi bad nga, U Blei jong phi, bad phi la mane bad shakri ïa kiwei pat ki blei.”

JEREMAÏAH 3:14

“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

JEREMAÏAH 34:14

Nga la ong ïa ki ba man ki hynñiew snem ki dei ban pyllaitluid ïa uno uno u mraw Hebru uba la shakri ïa ki hynriew snem. Hynrei ki kpa tymmen jong phi kim shym la suidñiew ïa nga lane shahshkor ïa kaei kaba nga la ong.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

ESEKIEL 20:37

“Ngan bat synshar skhem ïa phi bad pynlong ïa phi ban kohnguh ïa ka jutang jong nga.

ESEKIEL 23:4

Kaba kham shuwa ka kyrteng ka Oholah (ka mih pli ïa ka Samaria), bad kaba hadien ka kyrteng ka Oholibah (ka mih pli ïa ka Jerusalem). Nga shongkurim ïa ki baroh ar ngut, bad ki kha ïa ki khun ïa nga.

HOSIA 11:1

U Trai u ong, “Mynba u Israel u dang khynnah, nga la ieit ïa u, bad nga la khot noh ïa u na Ijipt kum u khun jong nga.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

LEBITIKOS 26:15

Lada phi kyntait ïa ki aiñ bad ki hukum jong nga, bad phi pynkheiñ ïa ka jutang ba nga la pynlong bad phi, ngan pynshitom ïa phi.

MARKOS 8:23

U Jisu u la shim ïa uta u briew uba matlah na ka kti bad ïalam ïa u shabar ka nongrit. Hadien ba u la bynthiew ha ki khmat jong uta u briew, U Jisu u la buh ïa la ki kti halor jong u bad kylli ïa u, “Me lah ban ïohi ei ei?”

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 23:19

U rangbah ai hukum u la shim ïa u na ka kti, u la ïalam ïa u da lade hi, bad u la kylli, “Kaei me don ban ïathuh ïa nga?”

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

DEUTERONOMI 1:31

bad ha ka ri shyiap. Phi la ïohi kumno u la bah ïa phi khlem jingmynsaw baroh shi lynter lynti haduh kane ka jaka, kumba u kpa u bah ïa la u khun.’

DEUTERONOMI 29:1

Kine ki long ki ktien jong kata ka jutang ba U Trai u la hukum ïa u Moses ban pynlong bad ki Israel ha ka ri ki Moab; kane baroh ka la long ka jingbynrap shuh shuh halor kata ka jutang kaba U Trai u la pynlong bad ki ha u Lum Sinai.

DEUTERONOMI 29:21

U Trai un pynlong ïa u ka nuksa hapdeng ki jait Israel baroh, bad un wallam ki jingpynjot halor jong u kat kum kita ki jingtim ba la jer ha ka jutang ïa kaba la thoh ha kane ka kitab jong ki jinghikai U Trai.

DEUTERONOMI 29:24

Te ka pyrthei baroh kawei kan sa kylli, ‘Balei keiñ U Trai u la leh haduh katne ïa ka ri jong ki? Na ka daw aïu mo ba u bitar shla haduh katne?’

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

DEUTERONOMI 5:2

Ha u Lum Sinai, U Trai U Blei jong ngi u la pynlong ka jutang,

DEUTERONOMI 5:3

ym tang bad ki kpa jong ngi, hynrei bad ngi baroh ruh kiba dang im haduh mynta ka sngi.

HEBRU 8:9

Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.