JEREMAÏAH 31:30 - Khasi CL Bible (BSI)

³⁰ Pynban, uno uno uba bam ïa ki sohwaiñ kiba jew kan pynlong ba ki bniat jong u hi kin shyrkhei; bad uwei uwei baroh un ïap namar ki pop jong u hi.”

KA BAIBL

³⁰ “Hynrei, uwei uwei baroh un ïap na ka bynta la ka jong ka jingbymhok: uwei pa uwei uba bam ïa ki soh Dumbur ki bajew, ki bniat jong u hi kin shyrkhei.

JEREMAÏAH 31:30 ပူးပေါင်းရင်းမြစ်များ

2 SYIEM 14:6

Pynban, um shym pynïap ïa ki khun jong ki hynrei u kohnguh ïa kaei kaba U Trai u la hukum ha ka Aiñ u Moses: “Ki kmie ki kpa kim dei ban shah pynïap na ka bynta ki kam sniew ba la leh da ki khun jong ki, bad ki khun kim dei ban shah pynïap na ka bynta ki kam sniew ba la leh da ki kmie ki kpa jong ki; ïa u briew dei ban pynïap tang namar ka kam sniew kaba u hi u la leh.”

Ka Kitab U Job 21:20

Ai ba ki nongpop kin kit hi ïa ka jingpynshitom; ai ba kin sngew ïa ka jingbitar jong U Blei Badonbor Baroh.

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 18:4

Ka jingim jong uwei pa uwei u briew ka dei ka jong nga, ka jingim jong ka kmie, u kpa bad kumjuh ruh ka jong i khun. U briew uba leh pop u dei uta u ban ïap.

ESEKIEL 3:24

Nga dem khrup da pyllup ha madan, hynrei U Mynsiem jong U Blei u rung hapoh jong nga bad u pynïeng ïa nga. U Trai u la ong ha nga: “Khie leit sha ïing bad set khop ïa lade hapoh ïing.

ESEKIEL 33:13

Nga lah ban kular ha u briew uba bha, hynrei lada u sdang ban pyrkhat ba ka jingleh babha jong u kaba mynshuwa ka la biang bad u sdang ban leh pop, Ngan ym kynmaw ïa kano kano kaba bha ba u la leh. Un ïap namar ki pop jong u.

ESEKIEL 33:18

Haba u briew uba hok u keiñ noh na kaba leh ïa kaba bha bad u sdang ban leh ïa kaba sniew, un ïap na ka bynta kata.

ESEKIEL 33:8

Lada nga pynbna ba u briew ba-bymman u dei ban ïap bad mem shym la maham ïa u ba un phai na ki lynti jong u khnang ba u lah ban pynim ïa la ka jingim, te un ïap, kum u nongpop, bad ngan pynkit pop ïa me na ka bynta ka jingïap jong u.

GALATIA 6:5

Namar uwei pa uwei u dei ban kit ïa la ka jong ka jingkit.

DEUTERONOMI 24:16

“Ki kmie ki kpa kim dei ban shah pynïap namar ki kam runar ki khun jong ki, bad ki khun ruh kim dei ban shah pynïap namar ki kam runar ki kmie ki kpa jong ki; u briew u dei ban shah pynïap tang namar ka kam runar jong u hi.

JAKOB 1:15

Nangta ki jingkwah brai jong u ki pun hapoh jong u bad ka jingmih ka long ban leh ïa ka pop; bad ka pop, haba ka la ih bha, ka pynmih ïa ka jingïap.