JEREMAÏAH 31:23 - Khasi CL Bible (BSI)

²³ U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

KA BAIBL

²³ Kumne u ong U Trai ki paid, U Blei ki Israel: “Te kin dang kren pat ïa kane ka ktien ha ka ri Judah, bad ha ki shnong jong ka, haba ngan pynphai pat ïa ka jinglongmraw jong ki: “ ‘U Trai un kyrkhu ïa me, A ka jaka shong jong ka hok, A u lum bah ka jingkhuid.’

JEREMAÏAH 31:23 ပူးပေါင်းရင်းမြစ်များ

SALM 128:5

Ai ba U Trai un kyrkhu ïa phi na ka Seïon! Ai ba phin ïohi ïa ka Jerusalem ba ka manbha baroh ki sngi ka jingim jong phi!

SALM 129:8

Yn ym don mano mano ba ïaid lynti u ban ong, “To U Trai un kyrkhu ïa phi! Ngi kyrkhu ïa phi ha ka kyrteng jong U Trai!”

SALM 134:3

To ai ba U Trai, uba la thaw ïa ka bneng bad ïa ka khyndew, un kyrkhu ïa phi na Seïon!

SALM 28:9

Pynim ïa ki briew jong me, A Trai, bad kyrkhu ïa kito kiba dei ki jong me. Long u nongaplangbrot jong ki, bad sumar bha ïa ki junom.

ISAÏAH 1:21

Ka nongbah kaba shisien ka la long kaba lah ban shaniah ka la leh kum ka nuti! Ha kawei ka por ka la dap da ki rangbah bahok, hynrei mynta ki sah tang ki nongpynïap briew.

ISAÏAH 1:26

Ngan ai ha pha ki nongsynshar jong pha bad ki nongai jingmut kum kito kiba pha ju don slem bah mynshuwa. Nangta ïa ka Jerusalem yn khot ka nongbah bahok, baïaineh.”

ISAÏAH 11:9

Halor u Lum Seïon, u lum uba kyntang jong U Blei, yn ym don kano kano kaba pynmynsaw lane kaba sniew. Ka ri kan shlei da ka jingtip ïa U Trai kumba ki duriaw ki dap da ka um.

ISAÏAH 32:16

Ha kylleng ka ri, ïa ka hok bad ka jingbishar hok, yn pyndep.

ISAÏAH 33:5

Katno uba khraw u long U Trai! U synshar halor kiei kiei baroh. Un pyndap ïa ka Jerusalem da ka jinglehhok bad ka jinglong ba-beit bad pynlong ka jingskhem ha ka hima.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 50:7

Ki la shah tur ïaleh da baroh kiba ïakynduh ïa ki. Ki nongshun jong ki, ki ong, ‘Ki la leh pop pyrshah ïa U Trai, bad kumta kaei kaba ngi la leh, kam long kaba bakla. Ki khun ki ksiew jong ki, ki la shaniah ha U Trai, bad ma ki hi kiba la dei ban ïailong kiba ïaineh ha u.’

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

MIKAH 4:1

Ha ki sngi ki ban wan u lumbah ha kaba ka Templ ka ïeng un long uba jrong tam na baroh, uba tyllep ïa ki lumrit baroh. Ki jaitbynriew kiba bun kin wan tuid sha u,

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

RUTH 2:4

Hadien katto katne por u Boas da lade hi u wan poi na Bethlehem bad u ai khublei ïa ki nongtrei. “To U Trai un long ryngkat bad phi!” u ong. “U Trai u kyrkhu ïa phi!” ki jubab.