JEREMAÏAH 31:20 - Khasi CL Bible (BSI)

²⁰ “Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

KA BAIBL

²⁰ U Ephraim u long u khun ba-ieit jong nga? U long u khun uba itynnad? Namar katno katno sien ba nga kren pyrshah ïa u, nga shu dang kynmaw kyndiang ïa u: namar kata, la pynkhih ïa ki snier jong nga na ka bynta jong u; da shisha ngan isynei ïa u,” ong U Trai.

JEREMAÏAH 31:20 ပူးပေါင်းရင်းမြစ်များ

JENESIS 43:30

Nangta u Joseph u mihnoh kynsan namar ka dohnud jong u ka shlei da ka jingsngewieit ïa la u para. Namar ba um lah kun shuh, u leit sha la ka kamra, bad u la ïam.

1 SYIEM 3:26

Ka kmie kaba shisha, da ka dohnud kaba shlei da ka jingieit ïa la u khun, ka ong ha u syiem, “Sngewbha, ko Syiem Kynrad, wat pynïap ïa u khunlung! Ai ïa u ha ka!” Hynrei kata kawei pat ka kynthei ka ong, “Wat ai ïa u hano hano na ngi; to leh bad phiah arliang ïa u.”

SALM 103:13

Kumba u kpa u long uba sbun ïa ki khun jong u, kumjuh ruh U Trai u long uba sbun ïa kito kiba pyndonburom ïa u.

PROBERB 3:12

U Trai u pynbeit ïa kito kiba u ieit, kumba u kpa u pynbeit ïa u khun ïa uba u sngewsarong.

JINGRWAI SOLOMON 5:4

Uba ieit jong nga u buh ïa la ka kti ha ka jingkhang, bad nga la kmen palat ba u don hajan.

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 3:19

U Trai u ong, “Ko Israel, nga la kwah ban pdiang ïa pha kum u khun jong nga bad ai ha pha ïa ka ri kaba pynkmen, ka ri kaba itynnat tam ha ka pyrthei baroh kawei. Nga la kwah ïa pha ban khot pa ïa nga bad ban ym phai shuh da lei lei na nga.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JEREMAÏAH 48:36

“Te ka dohnud jong nga ka ïam sngewsih na ka bynta ka Moab bad na ka bynta ki briew ka Kir Heres, kumba mano re ba tem ïa ka jingrwai ïapbriew ha ka tangmuri, namar baroh kiei kiei kiba dei ki jong ki kim don shuh.

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

LOUKAS 15:24

Naba une u khun jong nga u la ïap, hynrei mynta u la im pat; u la jah noh, hynrei mynta la shem pat ïa u.’ Bad kumta ka jingkhawai ka la sdang.

LOUKAS 15:32

Hynrei ngi la dei ban lehkmen bad ban sngewkmen, namar u para jong phi uba la ïap, hynrei mynta u dang im; u la jah, hynrei mynta la shem pat ïa u.’ ”

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.