JEREMAÏAH 31:18 - Khasi CL Bible (BSI)

¹⁸ “Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

KA BAIBL

¹⁸ Shisha nga la ïohsngew ïa u Ephraim ba u da ud ïa lade kumne, ‘Me la sympat ïa nga, bad nga la ïoh jingsympat, kum i khun masi i bym pat mlien ïa ka lyngkor: to pynphai ma me ïa nga, te yn sa pynphai ïa nga; naba me long U Trai U Blei jong nga.

JEREMAÏAH 31:18 ပူးပေါင်းရင်းမြစ်များ

Ka Kitab U Job 5:17

Suk uta u briew ïa uba U Blei u pynbeit! Wat ïeng pyrshah haba u sneng ïa me.

SALM 118:18

U la pynshitom jur ïa nga, hynrei um shym la shah ïa nga ban ïap.

SALM 119:67

Ha shuwa ba men pynshitom ïa nga, nga la ju ïaid sakma; hynrei mynta nga kohnguh ïa ka ktien jong me.

SALM 119:75

Nga tip ba ki jingbishar jong me ki long kiba hok, A Trai, bad ba me la pynshitom ïa nga namar me long uba ïaineh.

SALM 31:15

Nga long borabor ha ka jingsumar jong me; pyllait im ïa nga na ki nongshun jong nga, na kito kiba pynshitom ïa nga.

SALM 32:9

Wat long uba bieit kum u kulai ne u khashor, ïa uba hap ban pynïaid da u nar-bniat bad u lakam, ban pynlong ïa u ban pyndem.”

SALM 80:19

To wallam pat ïa ngi, A Trai U Blei Badonbor Baroh. Pyni ha ngi ïa ka jingisynei jong me, bad ïa ngi yn pynim.

SALM 80:3

To wallam pat ïa ngi, A Blei! A to pyn-i ha ngi ïa ka jingisynei jong me, bad ïa ngi yn pynim!

SALM 80:7

To wallam pat ïa ngi, A Blei Badonbor Baroh! A pyn-i ha ngi ïa ka jingisynei jong me, bad ïa ngi yn pynim!

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

SALM 94:12

A Trai, katno suk long u briew uba me hikai, uta ha uba me hikai ïa ka aiñ jong me!

PROBERB 26:3

Phi donkam ban sympat ïa u kulai, phi dei ban teh lakam ïa u kada, bad phi dei ban sympat ïa uba bieit.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

PROBERB 3:11

Ko khun jong nga, haba U Trai u pynbeit ïa phi, da shahshkor bha, bad shim ïa ka kum ka jingmaham.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 51:20

Ha ki khongdong ha man ki surok bah ki briew jong pha ki kyllon noh na ka jingtlot; ki long kum ka skei kaba la ngat ha ka jar jong u nongbeh mrad. Ki la mad ïa ka bor jong ka jingbitar U Blei.

ISAÏAH 53:7

“U la shah lehbeiñ sat, hynrei u la shah da kaba sngewrit; um shym la kren shikyntien ruh. Kum i khunlangbrot ban sa shah pynïap, kum ka langbrot ka ban sa shah khih ïa la u shñiuh, um shym kren shikyntien ruh.

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 31:6

Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

SNGEWSYNEI 5:21

To wallam pat ïa ngi sha me, ko Trai! To wallam pat ïa ngi! To pynïoh pat ïa ka burom ba-mynbarim.

ESEKIEL 20:43

Te phin kynmaw ïa baroh kiei kiei kiba jahburom kiba phi la leh bad kumno phi la pyntngit ïa lade. Phin sa isih ïa lade namar kiei kiei kiba sniew baroh kiba phi la leh.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

HOSIA 10:11

“Ka Israel ka la long shisien kum ka masi lud kaba la ïoh jinghikai bha, kaba la kloi bad mon ban shoh kew. Hynrei nga la rai ban buh ïa ka lyngkor ha ka ryndang ba-itynnat jong ka bad ban pyndait lyngkor ïa ka na ka bynta ka kam kaba kham eh. Ngan pynlong ïa u Judah ba un lur, bad u Israel un pynlwet khyndew.

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

JONAH 3:10

U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

MALAKHI 4:6

Un wallam lang ïa ki kpa bad ki khun sa shisien; lym kumta ngan hap ban wan bad pynjot ïa ka ri jong phi.”

JINGKHEIÑ 2:18

Ha ka phang sepngi, kito kiba hapoh ka lama jong ka kynhun u Ephraim kin sher dara ha la ki kynhun jong ki, hapoh ki nongïalam jong ki, kumne harum. Ka jait Ephraim ha ka jingïalam u Elishama u khun jong u Ammihud ka don sawphew hajar sanspah ngut. Ka jait Manasseh ha ka jingïalam u Gamaliel u khun jong u Pedahsur ka don laiphew ar hajar arspah ngut. Ka jait Benjamin ha ka jingïalam u Abidan u khun jong u Gideoni ka don laiphew san hajar sawspah ngut. Baroh lang ki don shi lakh phra hajar shispah ngut. Ka kynhun u Ephraim kan long kaba lai ban ïaid.

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

LOUKAS 15:20

Kumta u la ïeng joit bad u la leit phai pat sha la u kpa. “U dang kham pajih ha ka lynti na ïing haba u kpa jong u, u la ïohi ïa u; ka dohnud jong u ka la dap da ka jingisynei, bad u la mareh, u la piam ïa la ki kti sawdong jong u, bad u la doh ïa u.

KI KAM 3:26

Bad kumta U Blei u la jied ïa la u Shakri bad u la phah ïa u nyngkong ha phi, ban kyrkhu ïa phi da kaba pynlong ïa uwei pa uwei na phi ban phai noh na ki lynti bymman jong u.”

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

HEBRU 12:5

Hato phi la klet noh ïa ki ktien pynshlur ïa kiba U Blei u la kren ha phi kum ïa la ki khun? “Ko khun jong nga, to pynleit jingmut haba U Trai u sneng pynbeit ïa phi, bad wat sngew noh mynsiem haba u sneng ïa phi.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.