JEREMAÏAH 31:14 - Khasi CL Bible (BSI)

¹⁴ Ngan pyndap ïa ki lyngdoh da ki jingbam kiba bang eh bad pynhun ïa baroh ki jingdonkam jong ki briew jong nga. Ma nga, U Trai, nga la kren.”

KA BAIBL

¹⁴ Bad da ka jingkhleiñ ngan pynkdang ïa ka mynsiem ki lyngdoh, bad da ka jingbha jong nga yn pynhun ïa ki briew jong nga,” ong U Trai.

JEREMAÏAH 31:14 ပူးပေါင်းရင်းမြစ်များ

2 KHRONIKL 6:41

To ïeng mynta, A Trai U Blei, bad ryngkat bad ka Synduk ka Jutang ka dak jong ka bor jong me, to rung sha ka Templ bad to shongduh hangne. To kyrkhu ïa ki lyngdoh jong me ha kaei kaei baroh ba ki leh, bad ai ba ki briew jong me kin kmen namar ka jingbha jong me halor jong ki.

NEHEMAÏAH 10:39

Ki Israel bad ki Lebi kin rah ïa ki jingai sngewbha, u kew, ka waiñ bad ka umphniang Olib, sha ki kamra buh tiar kiba don ki khiew ka Templ bad ha kaba ki lyngdoh kiba don ha ka jingtreikam, ki nongap phira ka Templ bad ki dkhot ka kynhun nongrwai ka Templ, ki don ki jaka shong jaka sah. Ngin ym iehnoh khlem sumar bha ïa ka ïing U Blei jong ngi.

SALM 107:9

U la pynhun ïa kito kiba sliang bad pyndap ïa kiba thngan da kiei kiei kiba bha.

SALM 132:16

Ngan kyrkhu ïa ki lyngdoh jong ka ha kiei kiei baroh ba ki leh, bad ki briew jong ka kin rwai bad risa da ka jingkmen.

SALM 132:9

Ai ba ki lyngdoh jong me kin leh borabor ïa kaei kaba dei; ai ba ki briew jong me kin risa da ka jingkmen!

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 36:8

Ngi khawai ha ka jingpahuh ka jingbam ba me ai; me ai ïa ngi ban dih na ka wah ka jingbha jong me.

SALM 63:2

Shah ïa nga ban ïohi ïa me ha ka jaka kyntang; shah ïa nga ban ïohi haduh katno me long uba donbor bad uba donburom.

SALM 63:5

Ka mynsiem jong nga kan bam bad ïoh jinghun, bad ngan rwai ïa me ki jingrwai ïaroh bakmen.

SALM 63:6

Haba nga thiah ha ka jingthiah, nga kynmaw ïa me; baroh shi miet nga pyrkhat ïa me,

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

SALM 85:13

Ka hok kan leit ha shuwa jong U Trai, bad kan pynkhreh ïa ka lynti ïa u.

SALM 90:14

Pyndap ïa ngi man ka step da ka jingieit baneh jong me, khnang ba ngi lah ban rwai bad lehkmen baroh shi jingim.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ISAÏAH 61:6

bad ïa phi yn khot ki lyngdoh U Trai, ki shakri jong U Blei jong ngi. Phin sa lehkmen ïa ka spah ki jaitbynriew, bad phin sa sngewsarong ba ka dei ki jong phi.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

ESEKIEL 34:14

Ngan pynlong ïa ki ba kin bam phlang da ka jingsngewshngain ha ki jaka phlang u lumbah bad ki them bad ha ki jaka phlang bajyrngam jong ka ri Israel.

HAGGAI 2:19

Wat la ym don kew ba dang sah, bad ki dieng sohwaiñ, ki diengsoh Dumbur, ki diengsoh Pomkranet, bad ki diengsoh Olib kim pat shym pynmih soh, pynban naduh mynta ngan kyrkhu ïa phi.”

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

EPHESOS 3:19

Ho-oid, phi lah ban tip ïa ka jingieit jong u — wat la kam long kaba lah ban tip pura ïa ka — bad kumta to long kiba dap pura da ka jinglong jong U Blei hi.

DEUTERONOMI 33:23

Shaphang ka jait Naphtali u ong, “U Naphtali u long uba la ïoh kyrhai ki jingkyrkhu da ka jingsngewbha U Trai; Ka ri jong ki shaphang shathie ka kot haduh duriaw Galilaïa.”

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”