Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMAÏAH 31:12 - Khasi CL Bible (BSI)

12 Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

အခန်းကိုကြည့်ပါ။ ကော်ပီ

KA BAIBL

12 Bad kin sa ïawan rwai ha u lum Seïon, bad kin sa ïatuid lang sha ka jingbha jong U Trai, sha u Kew, bad sha ka Waiñ, bad sha ka umphniang, bad sha ki khun blang bad ki khun masi: bad ka mynsiem jong ki kan long kum ka kper ba la ai um, bad kin ym ïasngewsih shuh lano lano ruh.

အခန်းကိုကြည့်ပါ။ ကော်ပီ




JEREMAÏAH 31:12
35 ပူးပေါင်းရင်းမြစ်များ  

Hynrei me map ei ïa ngi, khnang ba ngi dei ban tiengburom ïa me.


Phin jlop kum u dieng Sning baïap, kum ka kper bym don um.


Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.


Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.


Kito kiba ap phira ïa ka nongbah ki pyrta, ki pyrta lang da ka jingkmen! Ki lah ban ïohi da la ki jong ki khmat ïa ka jingwan jong U Trai sha Seïon!


Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.


Ki sngi ka jingjynjar jong pha kin kut noh. Ma nga, U Trai, ngan long ka jingshai bymjukut jong pha, kham palat ban ïa ka sngi bad u bnai.


Ïa nga ruh yn pyndap da ka jingkmen namar ka Jerusalem bad ki briew jong ka. Hangta yn ym don shuh ka jingïam, yn ym don shuh ki ban khot kyrpad ban ïoh jingïarap.


“Ko ki briew bymïaineh, to wan noh; phi long ki jong nga. Ngan shim iwei na phi na kawei kawei ka shnong bad ar ngut na kawei kawei ka kur, bad ngan wallam pat ïa phi sha u lum Seïon.


Ki briew kin shong kin sah ha Judah bad ha baroh ki shnong jong ka, bad kin don ki nongrep, bad ki nongap langbrot ryngkat bad ki kynhun langbrot jong ki.


Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.


Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.


Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”


U Trai u ong, “To rwai da ka jingkmen na ka bynta ki Israel, kiba khraw tam na ki jaitbynriew. To rwai ïa ka jingrwai jong ka jingïaroh jong phi, ‘U Trai u la pynim ïa la ki briew; u la pyllait im ïa baroh kiba dang sah.’


U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”


U Trai Badonbor Baroh u la ong, “Ha kane ka ri kaba long kum ka ri shyiap bad ha kaba ym don ki briew ne ki mrad kiba im hangta, yn sa don biang ki jaka phlang ha kiba ki nongaplangbrot kin wallam ïa ki langbrot jong ki.


Ha ki shnong jong ka ri lum, ha ki kjat lum, bad ha ka Judah bashaphang shathie, ha ka ri ki Benjamin, ha ki shnongrit sawdong ka Jerusalem bad ha ki shnong ka Judah, ki nongaplangbrot sa shisien kin ñiew biang ïa la ki langbrot. Ma nga, U Trai, nga la kren.”


halor u lumbah bakynjang tam jong ka Israel. Un sei ki tnat bad pynmih ki symbai bad kylla long u dieng Kedar ba-itynnat eh. Ki sim kiba bun jait kin im hangta bad ïoh jingda ha ka syrngiew jong u.


Hangta ha ka ri, halor u lumbah bakhuid jong nga, u lumbah bajrong jong ka Israel, ma phi ki Israel baroh phin mane ïa nga. Ngan sngewbha eh bad phi bad ngan khmih lynti ïa phi ban wallam ha nga ïa ki jingkñia jong phi, ïa ki jingainguh bakynsai tam jong phi, bad ïa ki jingai sngewbha bakhuid jong phi.


Ngan pynlong ïa ki ba kin bam phlang da ka jingsngewshngain ha ki jaka phlang u lumbah bad ki them bad ha ki jaka phlang bajyrngam jong ka ri Israel.


Ngan pynroi kyrhai ïa ka jingmih na ki diengsoh bad na ki lyngkha jong phi, ba kan ym don shuh ka 'nemsniew ka ban pynjahburom ïa phi hapdeng ki jaitbynriew.


Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.


“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.


Wat la ym don kew ba dang sah, bad ki dieng sohwaiñ, ki diengsoh Dumbur, ki diengsoh Pomkranet, bad ki diengsoh Olib kim pat shym pynmih soh, pynban naduh mynta ngan kyrkhu ïa phi.”


Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.


Kumta kan long bad phi: Mynta phi ïasngewsih, hynrei ngan sa wan khmih pat ïa phi, bad ki dohnud jong phi kin dap da ka jingkmen; ka jingkmen kaba yn ym don uba lah ban shim noh na phi.


Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.


Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ