JEREMAÏAH 31:11 - Khasi CL Bible (BSI)

¹¹ Nga la pyllaitluid ïa ki paid Israel bad pynim ïa ki na ka hima bakhrawbor.

KA BAIBL

¹¹ Naba U Trai u la siewspah ïa u Jakob, bad u la pyllait ïa u na ka kti jong uta uba kham khlaiñ ïa u.

JEREMAÏAH 31:11 ပူးပေါင်းရင်းမြစ်များ

SALM 142:6

To shahshkor ïa ka jingkyang jong nga ban ïoh jingïarap, namar nga la ngam ha ka jingduh jingkyrmen. To pynim ïa nga na ki nongshun jong nga; ki long kiba khlaiñ palat ïa nga.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

ISAÏAH 49:24

Hato pha lah ban shim noh ïa ka jinglute na u shipai? Hato pha lah ban pyllait ïa ki koidi na u nongsynshar uba leh jubor?

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 51:11

Kito kiba me la pyllait im kin ïoh poi ha Jerusalem da ka jingkmen, da kaba rwai bad risa da ka jingkmen. Kin long kiba kmen junom, junom kiba laitluid na ka jingsngewsih bad jingkthang mynsiem.

JEREMAÏAH 15:21

Ngan pyllait ïa me na ka bor jong ki rangbah bymman bad kiba leh jubor. Ma nga, U Trai, nga la kren.”

JEREMAÏAH 50:33

U Trai Badonbor Baroh u ong, “Ki paid Israel bad Judah ki shah banbeiñ. Baroh kiba kurup ïa ki, ki khmih pyrman ïa ki bad kin ym pyllait ïa ki.

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

SNGEWSYNEI 3:58

“Me la wan ban pyllait ïa nga, A Trai, bad me la pyllait im ïa ka jingim jong nga.

HOSIA 13:14

Ngan ym pyllait ïa kine ki briew na ka ri kiba ïap lane pyllait im ïa ki na bor ka jingïap. Wanlam ïa ki khlam jong pha, ko jingïap! Wanlam ïa ka jingpynjot jong pha, ko ka pyrthei kiba ïap! Ngan ym don jingisynei shuh ïa kine ki briew.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

MATHAÏOS 12:29

“Ym don uba lah ban phrung jubor shapoh ka ïing jong u briew uba khlaiñ bad kit noh ïa ki jingdon jingem jong u lymda nyngkong eh u teh u khum shuwa ïa u briew uba khlaiñ, nangta u sa lah ban lute ïa ka ïing jong u.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.