JEREMAÏAH 31:10 - Khasi CL Bible (BSI)

¹⁰ U Trai u ong, “Ko ki jaitbynriew, to shahshkor ïa nga, bad to pynbna ïa ki ktien jong nga shaduh ki rud duriaw kiba jngai. Nga la pynsakma ïa ki briew jong nga, hynrei ngan lumlang ïa ki bad ïada ïa ki kumba u nongaplangbrot u ïada ïa la ka kynhun langbrot.

KA BAIBL

¹⁰ “To sngew ïa ka ktien U Trai, ko phi ki jaid bynriew, ban pynpaw ïa ka ha ki 'dewlynnong kiba jngai: bad to ong, ‘uta uba la pynsakma ïa u Israel un lum pat ïa u, bad un sumar ïa u, kumba u nongaplangbrot u leh ïa la ka kynhun.’

JEREMAÏAH 31:10 ပူးပေါင်းရင်းမြစ်များ

JENESIS 10:5

Kine ki long ki khun ki ksiew jong u Japheth, kiba shong ha ki ri kiba pher bapher, bad ha la ka jait ka jait kaba kren ïa la ka jong ka jong ka ktien.

SALM 147:2

U Trai u tei pat ïa ka Jerusalem; u wallam pat ïa kiba la shah ringmraw.

SALM 23:1

U Trai u long u nongaplangbrot jong nga; nga ïoh ïa kiei kiei baroh kiba nga donkam.

SALM 72:10

Ki syiem jong ka Spain bad jong ki dewlynnong kin tyrwa ha u ki jingai sngewbha; ki syiem jong ka Sheba bad Seba kin wanrah ha u ki jingainguh.

PROBERB 27:23

To khmih bha ïa ki langbrot bad ïa ki masi jong phi katba phi lah,

ISAÏAH 24:14

Kito kiba lait im kin rwai da ka jingkmen. Kito kiba don ha sepngi kin ïathuh katno ba U Trai u long uba khraw,

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 40:1

“Pyntngen ïa ki briew jong nga,” ong U Blei jong ngi. “Pyntngen ïa ki!

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 41:1

U Blei u ong, “To sngap jar bad to shahshkor ïa nga, phi ki ri sha jngai bah! To pynkhreh ban wanrah ïa ka jingmudui jong phi ha ka ïingbishar; phin ïoh ïa ka lad jong phi ban kren. To ngin ïawanlang ban rai mano ba dei.

ISAÏAH 42:10

To rwai ka jingrwai bathymmai ïa U Trai; rwai ïa ka jingïaroh jong u, ko ka pyrthei baroh! ïaroh ïa u, phi kiba ïaid lynti ha duriaw; ïaroh ïa u, ko ki jingthaw baroh ka duriaw! Rwai, phi ki ri bajngai bad baroh kiba shong hangta.

ISAÏAH 42:4

Un ym duh jingkyrmen ne jingshlur; un pynlong ka jingbishar hok ha ka pyrthei. Ki ri bajngai ki ap kmang ïa ka jinghikai jong u.”

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

ISAÏAH 54:7

“Tang shipor nga la iehnoh ïa pha; da ka jingieit kaba jylliew ngan shim pat ïa pha.

ISAÏAH 60:9

Ki dei ki liengbah kiba wan na ki ri kiba jngai, ki wallam ïa ki paidlang U Blei sha la ïing. Ki wanrah ryngkat bad ki ïa ka rupa bad ka ksiar, ban pyndonburom ïa ka kyrteng U Trai U Blei Bakhuid ka Israel, uba pynlong ïa ki jaitbynriew baroh ban pyndonburom ïa ki briew jong u.

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 3:15

Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

ESEKIEL 11:16

“Mynta to ïathuh ïa ki para ba shah ringmraw ïa kaei kaba nga ong. Nga long uta uba la phah ïa ki ban shong ban sah ha ki ri kiba jngai bad pynsakma ïa ki ha kiwei de ki ri. Pynban, ïa mynta shipor ngan don bad ki ha ki jaka sha kaba ki la leit.

ESEKIEL 20:34

Ngan pyn-i ha phi ïa ka bor jong nga bad ïa ka jingbitar jong nga haba nga lumlang ïa phi bad wallam pat ïa phi na ki ri baroh sha kiba la pynsakma ïa phi.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

ESEKIEL 5:2

Ïa ka shi bynta na ka lai bynta jong uta u shñiuh men thang hapoh ka nongbah, ynda la dep ka jingkerkut. Shim ïa ka bynta kaba ar bad shaiñ ïa ka da ka waitlam jong me haba me ïaid baroh sawdong ka nongbah. Ïa ka bynta kaba dang sah men pynher ha ka lyer, bad ngan sa pynbud da ka waitlam jong nga nadien jong ki.

DANIEL 11:18

Hadien kata un tur ïaleh ïa ki hima kiba harud duriaw bad u jop ïa kiba bun na ki. Hynrei u nongïalam nongwei un jop ïa u bad un pynkut ïa ka jinglehmeng jong u; da shisha un pynphai pat ïa ka jinglehmeng jong u syiem ka Syria sha u.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

MIKAH 2:12

“Hynrei ngan lumlang ïa phi, phi baroh ki paid Israel kiba dang sah. Ngan wallam lang ïa phi kum ki langbrot sha ka kynhun. Kum ka jaka bam phlang ba-dap da ki langbrot, ka ri jong phi kan dap biang sa shisien da ki paidbah babun.”

MIKAH 4:6

“Ka por kan poi,” ong U Trai, “haba ngan lumlang ïa ki briew kiba nga la pynshitom, kito kiba la shahshitom ha ka jingshah ringmraw.

MIKAH 5:4

Haba u wan, un sa synshar ïa la ki briew da ka jingkhlaiñ kaba wan na U Trai bad da ka burom jong U Trai U Blei hi. Ki briew jong u kin shong ha ka jingshngain namar ki briew na kylleng ka pyrthei kin ithuh ïa ka jingkhraw jong u, bad un wanrah ïa ka jingsuk.

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

SEPHANAÏAH 3:19

Ka por ka poi! Ngan pynshitom ïa ki nongbanbeiñ jong pha; ngan pyllait im ïa baroh kiba dkoh bad ngan wallam sha ïing ïa kiba shah ringmraw. Ngan pynphai ïa ka jinglehrain jong ki sha ka jingdonburom, bad baroh ka pyrthei kan ïaroh ïa ki.

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

SEKHARAÏAH 2:6

U Trai u la ong ha la ki briew, “Nga la pynsakma ïa phi ha ki liang baroh. Hynrei mynta, ma phi kiba shah ringmraw, phet noh na Babilonia bad leit phai pat sha Jerusalem.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

DEUTERONOMI 30:4

Wat la phi la sakma kylleng sawdong ka pyrthei ruh, U Trai U Blei jong phi un lumlang bad wan ïalam pat ïa phi,

DEUTERONOMI 32:26

Ngan jin da la pynjot thiaw ïa ki, khnang ban ym don ba kynmaw shuh ïa ki.