JEREMAÏAH 30:7 - Khasi CL Bible (BSI)

⁷ Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

KA BAIBL

⁷ Dur lanot! namar kata ka sngi ka long ka bakhraw, kumta ba ym don kano kano kaba kum ma ka: ka long ka por jynjar u Jakob; hynrei, un ïohlait im noh na ka.

JEREMAÏAH 30:7 ပူးပေါင်းရင်းမြစ်များ

JENESIS 32:7

U Jakob u la sheptieng bad khuslai. U la pynbynta ar kynhun ïa ki briew kiba don lem bad u, bad kumjuh ruh ïa ki langbrot, ki blang, ki jingri bad ki ut.

SALM 25:22

A Blei, to ïada ïa ki briew jong me ki Israel na ki jingjynjar jong ki baroh!

SALM 34:19

U briew uba bha u mad bun ki jingjynjar, hynrei U Trai u pyllait im ïa u na ki baroh.

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

JEREMAÏAH 14:8

Tang ma me, me long ka jingkyrmen jong ka Israel; me long uta uba la pyllait im ïa ngi na ka jingpynjot. Balei me long kum u nongwei ha ka ri jong ngi, kum u nongleit jingleit uba sah tang shi miet?

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 1:2

To shahshkor, phi ki briew ba la kham rangbah; phi baroh ha Judah, to shahshkor. Hato kaba kum kane ka la ju jia ha ka por jong phi lane ha ka por ki kpa jong phi?

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

MIKAH 4:9

Balei pha kyang jam? Balei ba pha shahshitom kum ka briew kaba suh kha? Hato ka long namar ba pham don u syiem, bad ki nongaibuit jong pha ki la ïap?

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

SEKHARAÏAH 14:7

lane kano kano ka jingdum. Kan ïai don borabor ka jingshai sngi, wat ha ka por mynmiet. Lano kane kan jia, tang U Trai uba tip.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MARKOS 13:19

Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei.

KI KAM 2:20

ïa ka sngi yn pyndum, bad u bnai un kylla saw kum ka snam, ha shuwa Ka Sngi kaba khraw bad kaba donburom jong U Trai ka wan.

Ka Shithi U Paul Sha Ki Nong Rom 11:26

Bad kane ka long kumno ba ïa baroh ki Israel yn pynim. Kumba ka Jingthoh Bakhuid ka ong, “U Nongpynim un wan na Seïon bad un weng noh ïa baroh ka jingbymman na ki khun ki ksiew u Jakob.

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”