JEREMAÏAH 30:3 - Khasi CL Bible (BSI)

³ namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

KA BAIBL

³ Namar, ha khmih, ki sngi ki wan,’ ” ong U Trai, “ba ngan pynphai pat ïa ka jinglongmraw u paidlang jong nga, ki Israel bad ki Judah,” ong U Trai: “bad ngan pynphai pat ïa ki sha ka ri kaba nga la ai ha ki kpa jong ki, bad kin ïoh ïa ka.”

JEREMAÏAH 30:3 ပူးပေါင်းရင်းမြစ်များ

ESRA 3:1

Haba la dap hynñiew bnai, ki Israel ki la ïashongduh ha la ki shnong jong ki. Nangta baroh ki ïalumlang ha Jerusalem,

ESRA 3:12

Bun na ki lyngdoh ba la kham tymmen, ki Lebi, bad ki rangbah kur, ki la ïohi ïa ka Templ banyngkong, bad ki peit ïa ka nongrim jong kane ka Templ katba dang tei, ki ïam pangnud. Hynrei kiwei pat kiba don hangta ki pyrta da ka jingkmen.

ESRA 3:8

Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

SALM 126:4

A Trai, to pynmanroi pat ïa ngi, kumba u slap u wanrah um pat ha ki phudwah ba-rkhiang.

SALM 53:6

Katno nga duwai ba ka jingjop kan wan ha ki Israel na Seïon. Katno kan long ka jingkmen ki paid Israel haba U Blei u pyndap kyrhai biang ïa ki!

JEREMAÏAH 16:15

Pynban, kin smai da nga kum U Blei uba im uba la wallam ïa ki paid Israel na ka ri bashatei bad na baroh kiwei pat ki ri ha kaba nga la pynsakma ïa ki. Ngan wallam pat ïa ki sha ka ri ka jong ki hi, sha ka ri kaba nga la ai ha ki kpa tymmen jong ki. Ma nga, U Trai, nga la kren.”

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 27:11

Hynrei lada kano kano ka jaitbynriew ka pyndem ha u syiem ka Babilonia bad shakri ïa u, te ngan shah ïa ka ba kan shong ha la ka ri, ban rep ïa ka bad shong hangta. Ma nga, U Trai, nga la kren.”

JEREMAÏAH 27:22

Yn sa rah ïa ki sha Babilonia bad kin sah hangta tad haduh ba ngan da phai ka jingmut jong nga sha ki. Nangta ngan wallam pat ïa ki bad buh biang ïa ki ha kane ka jaka. Ma nga, U Trai, nga la kren.”

JEREMAÏAH 29:10

“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:18

U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

JEREMAÏAH 30:4

U Trai u ong ha ki briew jong ka Israel bad Judah:

JEREMAÏAH 31:16

To sngap noh na ka jingïam jong phi bad to ñiad noh ïa ki ummat jong phi. Baroh kiba phi la leh na ka bynta ki khun jong phi kin ym long lehnoh-ei; kin wan phai pat na ka ri u nongshun.

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 31:27

“Ma nga, U Trai, nga ong ba ka por kan wan haba ngan pyndap ïa ka ri Israel bad Judah da ki briew bad ki mrad.

JEREMAÏAH 31:31

U Trai u ong, “Ka por kan poi haba ngan sa pynlong ïa ka jutang bathymmai bad ki paid Israel bad ki paid Judah.

JEREMAÏAH 31:38

“Ka por kan poi,” ong U Trai, “haba ïa ka Jerusalem baroh kawei yn tei pat kum ka nongbah jong nga, naduh u Mot Hananel shaphang sepngi haduh ka Khyrdop Kyndong.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

JEREMAÏAH 51:60

Nga la thoh ha ka kot ïa ka jingthoh shaphang ka jingpynjot baroh ka ban wan hap ha Babilonia, ryngkat bad kine baroh kiei kiei kiwei pat shaphang ka Babilonia.

ESEKIEL 20:42

Haba nga wallam pat ïa phi sha Israel, ka ri kaba nga la kular ban ai ha ki kpa tymmen jong phi, te phin sa tip ba nga long U Trai.

ESEKIEL 34:13

Ngan wallam noh ïa ki na ki ri nongwei, ngan lumlang ïa ki, bad ngan wallam biang ïa ki sha ka ri jong ki hi, ngan ïalam biang ïa ki sha ki lumbah bad ki wahduid ka Israel bad ngan bsa ïa ki ha ki jaka bam phlang kiba sngewtynnat.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

ESEKIEL 47:14

Nga la kular kyntang ha ki kpa tymmen jong phi bad ngan ai ha ki ïa ka jingïohkynti ïa kane ka ri; mynta, to ïabynta mar ryngkat hapdeng jong phi.

JOEL 3:1

U Trai u ong, “Ha kata ka por ngan pynïoh pat ïa ka jingroi kyrhai jong ka Judah bad ka Jerusalem.

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.

SEPHANAÏAH 3:20

Ka por ka poi! Ngan wallam sha ïing ïa ki briew jong pha kiba la shah pynsakma; ngan pynlong ïa pha kaba pawnam ha kylleng ka pyrthei bad ngan pynlong ïa pha kaba manbha pat.” U Trai u la kren.

LOUKAS 17:22

Nangta u la ong ha ki synran, “Ka por kan poi ha kaba phin kwah ban ïohi ïa kawei na ki sngi jong U Khun U Briew, hynrei phin ym ïohi ïa ka.

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.

LOUKAS 21:6

U Jisu u la ong, “Kane baroh kaba phi ïohi — ka por kan poi ha kaba yn ym iehnoh hangne ïa uwei ruh u maw ha ka jaka ba u don; ïa uwei uwei baroh yn bret sha tbian.”

DEUTERONOMI 30:3

U Trai U Blei jong phi un leh-isynei ïa phi. Un wan ïalam pat ïa phi napdeng kita ki jaitbynriew sha kiba u la pynsakma ïa phi, bad un pynbha pat ïa phi.

DEUTERONOMI 30:5

khnang ba phin ïoh kam kynti biang ïa kata ka ri ha kaba ki kpa tymmen jong phi ki la shong shisien. Un pynmanbha bad un pynroi ïa phi kham bun shah ban ïa kaba u la leh ïa ki kpa tymmen jong phi.

HEBRU 8:8

Hynrei U Blei u shem jingduna bad ki briew jong u haba u ong, “Ki sngi ki wan, ong U Trai, haba ngan pynlong ïa ka jutang kaba thymmai bad ki paid Israel bad ki paid Judah ruh.