JEREMAÏAH 30:21 - Khasi CL Bible (BSI)

^21-22 U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

KA BAIBL

²¹ Bad u syiem jong ki un long napdeng jong ki hi, bad u nongsynshar jong ki un mih napdeng jong ki: bad ngan pynwan ïa u hajan, bad un wan sha jan jong nga: namar uei uta uba la ïoh ka jingshlur ban wan sha jan jong nga?” ong U Trai.

JEREMAÏAH 30:21 ပူးပေါင်းရင်းမြစ်များ

JENESIS 18:27

U Abraham u kren biang, “To map, ko Trai ïa ka jingshlur bieit jong nga ban kren ha me. Nga long tang u briew bad ngam don hok ban ong ei ei.

JENESIS 18:30

U Abraham u ong, “A Trai, wat bitar ba ngan kren biang. Kumno lada don tang laiphew ngut?” U ong, “Ngan ym leh ei ei ïa ka lada nga shem laiphew ngut hangta.”

JENESIS 18:32

U Abraham u ong, “Sngewbha wat bitar, A Trai, bad ngan kren biang sa tang shisien. Kumno lada don tang shiphew ngut hangta?” U jubab, “Ngan ym pynjot ïa ka lada don shiphew ngut.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

2 SAMUEL 7:13

Un dei ma u, u ban tei ka templ ïa nga, bad ngan pynthikna ba ka longïing syiem jong u kan ïaineh.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

SALM 89:29

Ka longïing syiem jong u kan neh skhem kum ka sahit bneng, uba hiarpateng na u, un ïailong u syiem.

EKSODOS 3:5

“Wat wan sha jan,” ong U Blei. “Loit noh ïa la ki juti, namar me ïeng ha ka jaka kaba khuid.

ISAÏAH 63:1

“Uei une uba wan na ka nongbah Bosrah ha Edom? Uei une uba riam itynnat ha ki jaiñkup rong saw u da ïaid ryngkat ha ka bor bad jingkhlaiñ?” “U dei U Trai, uba donbor ban pyllait im, u wan ban pynbna ïa ka jingjop jong u.”

JEREMAÏAH 30:9

Pynban, kin shakri ïa nga, U Trai U Blei jong ki, bad ïa uba hiarpateng na u Dabid, uba ngan pynshong ha ka khet kum u syiem.

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JEREMAÏAH 50:44

“Kum u sing uba wan mih na ki khlaw barben kiba don shi lynter ka rud Jordan haduh ka jaka phlang bajyrngam, ma nga, U Trai, ngan wan bad ngan pynlong ïa ki nong Babilonia ban phet krad kynsan na ka nongbah jong ki. Te u nongïalam uba nga jied un synshar ïa ka hima. Mano ban ïanujor bad nga? Uno uba nud ban wan kob ïa nga? Uei u nongsynshar uba lah ban ïeng pyrshah ïa nga?

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

HOSIA 1:11

Ki briew ka Judah bad ki briew ka Israel kin ïasoh lang kawei sa shisien. Kin sa jied tang uwei u nongïalam na ka bynta jong ki, bad sa shisien pat kin sa manbha bad roi kyrhai ha la ka ri. Ho-oid, ka sngi jong ka Jesreel kan long ka sngi kaba khraw!

JINGKHEIÑ 16:40

Kane ka la long ka jingmaham ïa ki Israel ba uno uno u bym shym la hiarpateng na u Aaron um bit ban wan sha ka duwan ban thang jingiwbih ha khmat U Trai, lym kumta un shah pynjot thiaw kum u Korah bad ki nongbud jong u. Ïa kane baroh la leh kumba U Trai u la hukum ïa u Eleasar da u Moses.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 27:37

Haneng ka khlieh jong u ki la buh ka jingthoh pynbna ïa ka jingmudui pyrshah ïa u: “Une u long U Jisu, U Syiem ki Jiw.”

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

LOUKAS 24:26

Hato kam long kaba donkam ïa U Messaïah ban shahshitom ïa kine kiei kiei baroh bad nangta ban rung sha ka burom jong u?”

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

Ka Shithi U Paul Sha Ki Nong Rom 8:34

Mano te, ki ban pynrem ïa ki? Ym U Khrist Jisu, uba la ïap, lane, ïa uba la pynmihpat bad uba don ha ka liang kamon jong U Blei, uba ïasaid bad u na ka bynta jong ngi!

DEUTERONOMI 17:15

Da kynmaw ba u briew uba phi jied ban long u syiem u dei ban long uta ïa uba U Trai hi u la jied. U dei ban long na ka jait ka kynja jong phi hi; wat jied syiem ïa u nongwei.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

DEUTERONOMI 33:5

U Trai u long u syiem jong ki Israel ki briew jong u, mynba ki jait bad ki nongïalam jong ki, ki ïalumlang.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

1 ÏOANNIS 2:2

Bad U Khrist hi u long ka lynti da kaba yn ïohmap ïa ki pop jong ngi, bad ym tang ïa ki pop jong ngi, hynrei ruh ïa ki pop jong ki briew baroh.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”