JEREMAÏAH 30:20 - Khasi CL Bible (BSI)

²⁰ Ngan pynïoh pat ïa ka bor mynbarim jong ka jaitbynriew bad pynskhem biang ïa ka; ngan pynshitom ïa baroh kiba banbeiñ ïa ki.

KA BAIBL

²⁰ Ki khun jong ki ruh kin long kumba mynshuwa, bad u paidlang jong ki un long uba la pynskhem ha khmat jong nga, bad ngan pynshitom ïa kita baroh kiba banbor ïa ki.

JEREMAÏAH 30:20 ပူးပေါင်းရင်းမြစ်များ

SALM 102:18

To thoh na ka bynta ka pateng ka ban sa wan ïa kaei kaba U Trai u la leh, khnang ba ki briew ïa ki bym pat shym la kha kin ïaroh ïa u.

SALM 102:28

Ki khun jong ngi kin im hapdeng ka jingshngain, bad hapoh ka jingïada jong me ki khun ki ksiew jong ki kin skhem.

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

JEREMAÏAH 32:39

Ngan ai ha ki ïa kawei ka jingthmu ha ka jingim: ban burom ïa nga ha ki por baroh, na ka bynta ka jingbha jong ki hi bad ka jingbha jong ki khun ki ksiew jong ki.

SNGEWSYNEI 5:21

To wallam pat ïa ngi sha me, ko Trai! To wallam pat ïa ngi! To pynïoh pat ïa ka burom ba-mynbarim.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 10:8

“Ngan khot ïa ki briew jong nga bad ngan lumlang ïa ki. Ngan pyllait im ïa ki bad pynlong ïa ki, kiba bun paid kumba ki ju long.

SEKHARAÏAH 8:5

Bad ki lynti bah kin dap pat da ki khynnah shynrang bad kynthei kiba ïalehkai.