JEREMAÏAH 30:18 - Khasi CL Bible (BSI)

¹⁸ U Trai u ong, “Ngan buh pat ïa ki briew jong nga ha ka ri jong ki bad ngan isynei ïa kawei pa kawei ka longïing; ïa ka Jerusalem yn tei pat, bad ïa ka ïingsyiem jong ka yn pynbha pat.

KA BAIBL

¹⁸ Kumne u ong U Trai: “Ha khmih, ngan pynphai pat ïa ka jinglongmraw jong ki ïingjaiñ u Jakob, bad ngan isynei ïa ki jaka shong jong u; bad yn tei ïa ka nongbah halor ka kynton jong ka hi; bad ka ïingsyiem kan sah katba kum ka rukom jong ka.

JEREMAÏAH 30:18 ပူးပေါင်းရင်းမြစ်များ

1 KHRONIKL 29:1

U Syiem Dabid u pynbna ha baroh kiba ïalumlang, “U Solomon u khun jong nga u dei ma u uba U Blei u la jied, hynrei u dang samla bad dang duna ka jingtbit. Ka kam ban leh ka long kaba khraw, namar kane kam dei ka ïingsyiem na ka bynta ki briew hynrei ka Templ na ka bynta U Trai U Blei.

1 KHRONIKL 29:19

Ai ha u Solomon u khun jong nga ka jingkwah naduh ka dohnud ban kohnguh ïa kaei kaei baroh kaba me la hukum bad ban tei ïa ka Templ ïa kaba nga la pynlong kine ki jingpynkhreh.”

NEHEMAÏAH 7:4

Ka Jerusalem ka long ka nongbah kaba ïar, hynrei ym don bun ki briew kiba shong basah ha ka, bad ym pat don bun ki ïing ba la tei ha ka.

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

SALM 102:14

Ki shakri jong me ki ieit ïa ka, wat haba la pynjot ïa ka; ki leh-isynei ïa ka, wat haba ka don ha ka jingjot.

SALM 122:7

Ai ba ka jingsuk kan don hapoh ki kynroh jong pha, bad ka jingshngain ha ki ïingsyiem jong pha.”

SALM 48:13

khmih ïa ki kynroh bad peit bniah ïa ki kut, khnang ba phin lah ban ïathuh ïa ka pateng kaba hadien;

SALM 48:3

U Blei u la pyn-i ba bad u ka don ka jingshngain hapoh ki kut jong ka nongbah.

SALM 78:69

Hangta u la tei ïa ka Templ jong u kum ka ïing jong u ha bneng; u la pynlong ïa ka, kaba skhem kum ka khyndew hi, kaba neh ha ki por baroh.

SALM 85:1

Ko Trai, me la isynei ïa la ka ri; me la pynriewspah biang ïa ki Israel.

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

ISAÏAH 44:28

Nga ong ha u Syros, ‘Me long uta u ban synshar na ka bynta jong nga; men leh ïa kaei kaba nga kwah ïa phi ban leh; men hukum ïa ka Jerusalem ban tei biang bad ïa ki nongrim jong ka Templ ban seng pat.’ ”

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 29:11

Tang ma nga hi nga tip ïa ki jingthmu kiba nga don na ka bynta jong phi, ki jingthmu ban wallam ha phi ka jingmanbha bad ym ka jingpynjot, ki jingthmu ban wallam ïa ka lawei kaba phi ap kyrmen.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 31:23

U Trai Badonbor baroh, U Blei ki Israel, u ong, “Haba ngan wallam pat ïa ki briew sha ka ri jong ki, sa shisien pat kin ong ha ka ri Judah bad ki shnong jong ka, “ ‘To U Trai un kyrkhu ïa u lum bakyntang jong ka Jerusalem, ka jaka bakhuid ha kaba u shong.’

JEREMAÏAH 31:38

“Ka por kan poi,” ong U Trai, “haba ïa ka Jerusalem baroh kawei yn tei pat kum ka nongbah jong nga, naduh u Mot Hananel shaphang sepngi haduh ka Khyrdop Kyndong.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 31:40

Ka them baroh kawei, ha kaba la tep ïa kiba ïap bad ha kaba la bret ïa ki jakhlia, bad baroh ki pyntha shaneng ka wah Kidron haduh ka Khyrdop Kulai shaphang mihngi, kin long kiba kyntang ha nga. Ka nongbah kan ym shah pynpra shuh lane shah pynjot.”

JEREMAÏAH 32:15

U Trai Badonbor Baroh, U Blei ki Israel, u la ong ba ïa ki ïing, ki lyngkha bad ki bri sohwaiñ yn sa thied biang ha kane ka ri.”

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 33:7

Ngan pynlong ïa ka Judah bad Israel kiba roi kyrhai, bad ngan pynlong pat ïa ki kumba mynshuwa.

JEREMAÏAH 46:27

“Ko ki briew jong nga, wat ym sheptieng, ko ki paid Israel, wat ym kyiuh. Ngan pyllait im ïa phi na kata ka ri kaba jngai, na ka ri ha kaba phi la long ki koidi. Phin wan phai pat sha ïing bad im ha ka jingsuk; phin sngewshngain, bad yn ym don u ban pyntieng ïa phi.

JEREMAÏAH 49:39

Hynrei hadien ngan pynlong ïa ki briew ka Elam ba kin manbha biang. Ma nga, U Trai, nga la kren.”

JEREMAÏAH 49:6

“Hynrei hadien ngan pynlong ïa ka Ammon ban manbha biang. Ma nga, U Trai, nga la kren.”

ESEKIEL 36:11

Ngan pynroi ïa ki briew bad ïa ki jingri. Hangta phin nang kham roi ban ïa kaba long mynshuwa bad phin ïoh shibun ki khun ki kti. Ngan shah ïa phi ban shong hangta kumba phi la ju shong, bad ngan pynlong ïa phi ban kham man roi ban ïa kaba mynshuwa. Te phin sa tip ba nga long U Trai.

AMOS 9:14

Ngan wan ïalam pat ïa ki briew jong nga sha la ka ri. Kin sa tei pat ïa ki shnong ba la jot bad kin shong hangta; kin thung ki bri sohwaiñ bad kin dih ïa ka waiñ; kin thung jingthung ha ki kper, bad kin bam na kaei kaba mih.

SEKHARAÏAH 1:12

Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”

SEKHARAÏAH 1:16

Kumta nga la wan phai pat sha Jerusalem ban pyn-i jingisynei ïa ka nongbah. Yn pynïeng pat ïa ka Templ jong nga, bad ïa ka nongbah yn tei pat.”

SEKHARAÏAH 12:6

“Ha kata ka por ngan pynlong ïa ki kur ka Judah kum ka ding ha ka khlaw lane ha ka lyngkha kew ba la ih — kin pynjot ïa ki jaitbynriew kiba don sawdong. Ki briew ka Jerusalem kin ïaisah ha ka jingshngain ha ka nongbah.

SEKHARAÏAH 12:7

“Ma nga, U Trai, ngan ai ka jingjop nyngkong ïa ki kynhun shipai jong ka Judah, khnang ba ka burom kaba ki khun ki ksiew jong u Dabid bad ki briew ka Jerusalem kin ïohpdiang kan ym long kaba khraw ban ïa kata kaba sah jong ka Judah.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.