JEREMAÏAH 30:17 - Khasi CL Bible (BSI)

¹⁷ Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

KA BAIBL

¹⁷ Naba ngan ai pat ka jingkoit jingkhiah ha me, bad ngan pynkhiah ïa me na ki jingmong jong me,” ong U Trai; “namar ki la khot ïa me uba la kyntait noh, ki ïa-ong, ‘Ka long ka Seïon ïa ka bymdon ba wad shuh!’ ”

JEREMAÏAH 30:17 ပူးပေါင်းရင်းမြစ်များ

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 107:20

U pynkhiah ïa ki da ka hukum jong u bad pyllait im ïa ki na ka jingtep.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 142:4

Haba nga peit ha syndah jong nga, nga ïohi ba ym don uno uno u ban ïarap ïa nga, ym don mano mano ban ïada ïa nga. Ym don uba sngewsynei ïa nga.

SALM 23:3

U ai ha nga ka bor thymmai. U ïalam ïa nga ha ki lynti ka hok, kumba u la kular.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 30:26

U bnai un sa shai phyrnai kat ka sngi, bad ka sngi kan shai phyrnai hynñiew shah ban ïa kaba ju long, kum ka jingshai jong ki hynñiew sngi ha kawei ka sngi. Kane baroh kan jia haba U Trai un sop spaiñ bad pynkhiah ïa ki jingmong kiba u la ai ha ki briew jong u.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

ISAÏAH 54:6

Ko Israel, pha long kum ka tnga ba dang kham samla, ba la iehnoh da u tnga jong ka bad ba sngew jynjar sat. Hynrei U Trai u khot pat ïa pha bad u ong:

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

ISAÏAH 58:8

“Te ka jinglehieit jong nga kan tyngshaiñ ha phi kum ka sngi mynstep, bad ki jingmong jong phi kin sa koit kloi. Ngan don ryngkat bad phi borabor ban pyllait ïa phi; ka jingdon ryngkat jong nga kan ïada ïa phi ha ki liang baroh.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

JEREMAÏAH 10:20

La pynjot ïa ki ïingjaiñ jong ngi; ïa ki tyllai ba pynskhem ïa ki la pyndkut. Ki khun jong ngi ki la leit noh baroh; ym don shuh mano mano ba dang sah ban pynïeng pat ïa ki ïingjaiñ jong ngi; ym don shuh mano mano ban wah ïa ki pyrda jong ki.”

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 30:13

Ym don mano mano ba sumar ïa phi, ym don jingïarap na ka bynta ki prum jong phi, ym don jingkyrmen ban koit na ka bynta jong phi.

JEREMAÏAH 33:24

“Phi la ïohi kumno ba ki briew ki ïa-ong ba nga la kyntait noh ïa ki Israel bad Judah, ki ar tylli ki longïing kiba nga la jied? Bad kumta ki khmih da ka jingñiewbeiñ ïa ki briew jong nga bad kim kheiñ shuh ïa ki kum ka jaitbynriew.

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

SNGEWSYNEI 2:15

Ki briew kiba ïaid najan ka nongbah ki khmih sha pha da ka jingibeiñ. Ki pynkhih ïa la ki khlieh bad ki rkhie ïa ka jingjot ka Jerusalem. “Hato kane ka dei kata ka nongbah ba-itynnat? Hato kane ka dei ka jingsarong jong ka pyrthei?”

ESEKIEL 34:16

“Ngan wad ïa kito kiba la jah, ngan wallam pat ïa kito kiba la sakma, ngan sop spaiñ ïa kito kiba la mong, bad ngan pynkhiah ïa kito kiba pang, hynrei ïa kito kiba sngaid bad kiba khlaiñ ngan sa pynjot, namar nga long u nongaplangbrot uba leh ïa kaei kaba dei.

ESEKIEL 35:12

Te men sa tip ba ma nga, U Trai, nga la ïohsngew ïa ka jingkrenbeiñ jong me ba ïa ki lumbah ka Israel ba ki la sah kynjah bad ba ki long ki jong me ba men bam duh.

ESEKIEL 36:20

Kat shaba ki leit, ki pynlehrain ïa ka kyrteng bakhuid jong nga, namar ba ki briew ki ïoh kynnoh, ‘Kine ki long ki briew jong U Trai, pynban ki hap ban mihnoh na ka ri jong u.’

HOSIA 11:3

Pynban dei ma nga uba hikai ïa ki Israel ban ïaid. Nga la rah ïa ki briew jong nga ha la ki ksang'ti, hynrei kim shym la pdiang ba nga la sumar ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

JINGPYNPAW 22:2

bad ka tuid sha ka pdeng jong ka lynti bah jong ka nongbah. Ha kawei kawei ka liang jong ka wah la don u dieng ka jingim, uba pynmih soh khat-ar sien shisnem, shisien ha uwei uwei u bnai, bad ki sla jong u ki long na ka bynta ban ai jingkhiah ïa ki jaitbynriew.