JEREMAÏAH 30:16 - Khasi CL Bible (BSI)

¹⁶ Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

KA BAIBL

¹⁶ Namar kata, ïa kita baroh kiba bam duh ïa me yn bam duh noh; bad ki nongshun jong me baroh uwei pa uwei na ki kin leit sha ka jinglongmraw; ba kita kiba pynjot ïa me kin long ka jingjot, bad ïa kita baroh kiba lute ïa me ngan ai ban long ka jinglute.

JEREMAÏAH 30:16 ပူးပေါင်းရင်းမြစ်များ

SALM 129:5

Ai ba baroh kiba isih ïa ka Seïon kin shahjop bad shah beh noh.

EKSODOS 23:22

Hynrei lada phi kohnguh ïa u, bad leh kat ïa kaba nga hukum, ngan ïaleh pyrshah ïa ki nongshun jong phi baroh.

PROBERB 22:23

U Trai un ïasaid ïa ka kam jong ki na ka bynta jong ki, bad un byrngem ïa ka jingim jong uno uno uba byrngem ïa ki.

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 54:15

Lada uno uno u tur ïaleh ïa pha u leh ïa ka khlem ka jingaibor jong nga; uno uno uba ïaleh pyrshah ïa pha un kyllon noh.

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

JEREMAÏAH 10:25

Pynphai ïa ka jingbitar jong me halor ki jaitbynriew ki bym mane ïa me bad halor ki briew kiba kyntait ïa me. Ki la pynïap ïa ki briew jong me; ki la pynjot khoit ïa ngi bad iehnoh ïa ka ri jong ngi ha ka jingjot jingpra.

JEREMAÏAH 12:14

U Trai u ong, “Nga don ei ei ban ong shaphang ki paramarjan jong ka Israel kiba la pynjot ïa ka ri kaba nga la ai ha ki briew jong nga ki Israel. Ngan shim noh ïa kito ki briew bymman na ki ri jong ki kum ïa u jingthung ba la rat, bad ngan pyllait im ïa ka Judah na ki.

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

JEREMAÏAH 25:12

Hadien kata ngan sa pynshitom ïa ka Babilonia bad ïa u syiem jong ka namar ka pop jong ki. Ngan pynjot ïa kata ka ri bad ngan iehnoh ha ka jingjot jingpra junom.

JEREMAÏAH 30:15

Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

SNGEWSYNEI 1:21

“To shahshkor ïa ki jingud jong nga; ym don mano mano ban pyntngen ïa nga. Ki nongshun jong nga ki kmen ba me la wallam ka jingjot halor jong nga. To wallam ïa ka sngi kaba me la kular; to pynlong ïa ki nongshun jong nga ban shahshitom kum ma nga.

SNGEWSYNEI 1:22

“To pynrem ïa ki na ka bynta ka jingbymman jong ki baroh; to pynshitom ïa ki kumba me la pynshitom ïa nga na ka bynta ki pop jong nga. Nga ud ha ka jingjynjar, bad nga pang ha ka dohnud jong nga.”

ESEKIEL 29:6

Te ki briew ka Ijipt baroh kin tip ba nga long U Trai.” U Trai u ong, “Ki Israel ki la shaniah ha phi ko ki nong Ijipt ban ïarap ïa ki, hynrei phim long kham bha ban ïa u dieng uba tlot.

ESEKIEL 35:5

“Me la long u nongshun baïaineh ka Israel bad me shah ba ki briew jong ka kin shah pynïap ha ka por ka jingjynjar jong ka, ka por jong ka jingshah pynshitom bakhatduh namar ki pop jong ka.

JOEL 3:8

Ngan pynlong ba ki khun shynrang bad ki khun kynthei jong phi yn die sha ki briew ka Judah; ma ki kin sa die ïa ki sha jngai sha ki Sabean. Ma nga, U Trai, nga la kren.

MIKAH 4:11

Ki jaitbynriew kiba bun ki la ïalumlang ban tur ïaleh ïa phi. Ki ong, “Ïa ka Jerusalem dei ban pynjot! Ngin ïohi ïa kane ka nongbah ha ki jingjot!”

MIKAH 7:10

Te ki nongshun jong ngi kin ïohi ïa kane bad kin shah pynjahburom — kijuh ki nongshun kiba la pynthut ïa ngi da kaba kylli, “Hangno U Trai U Blei jong phi u don?” Ngin ïohi ba ki la shahjop, shah ïuh kum ka ktieh ha ki lynti bah.

NAHUM 1:8

Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

HABAKKUK 2:16

Markylliang yn tap ïa phi da ka jinglehrain ha ka jaka ka burom. Phi ruh phin ïadih bad ïaid sheng sheng. U Trai un pynlong ïa phi ban dih na la ka khuri jong ka jingpynshitom, bad ka burom jong phi kan kylla sha ka jingjahburom.

SEPHANAÏAH 2:8

U Trai Badonbor Baroh u ong, “Nga la ïohsngew ba ki briew jong ka Moab bad Ammon ki krenbeiñ bad ki pynsalia ïa ki briew jong nga, bad ki kren khraw ba kin kurup ïa ka ri jong ki.

SEKHARAÏAH 1:14

bad uta u angel u la bthah ïa nga ban pynbna ïa kaei kaba U Trai Badonbor Baroh u la lah ong: “Nga la don ka jingieit bajylliew bad jingsngewkhia ïa ka Jerusalem ka nongbah bakhuid jong nga,

SEKHARAÏAH 1:15

bad nga bitar shikatdei eh ïa ki jaitbynriew kiba sngewkmen ïa ka jingjar jar bad ka jingsuk. Namar katba nga dang bat ïa ka jingbitar jong nga pyrshah ïa ki briew jong nga, kito ki jaitbynriew ki la kham pynsniew ïa ki jingshitom jong ki briew jong nga.

SEKHARAÏAH 12:2

“Ngan pynlong ïa ka Jerusalem kum shi khuri ka waiñ; ki jaitbynriew sawdong jong ka kin dih bad ïaid sheng sheng kum ki rangbah kiba la buaid. Bad haba ki kerkut ïa ka Jerusalem, ïa kiwei ki nongbah kiba sah jong ka Judah ruh yn kerkut.

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

SEKHARAÏAH 2:8

Uno uno uba shoh ïa phi u shoh ïa uta uba kordor eh ha nga.” Kumta U Trai Badonbor Baroh u la phah ïa nga lem bad kane ka khubor ïa ki jaitbynriew kiba la lute ïa ki briew jong u:

DEUTERONOMI 30:7

Un pynngat kylla ïa kine ki jingtim baroh ha ki nongshun jong phi, kiba isih bad banbeiñ ïa phi,

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

1 SAMUEL 17:53

Ynda ki Israel ki wan phai na kaba beh kthong ïa ki Philistia, ki lute ïa ka jaka sher dara jong ki.