JEREMAÏAH 30:15 - Khasi CL Bible (BSI)

¹⁵ Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

KA BAIBL

¹⁵ Balei me ïam namar ka jingmynsaw jong me? Ka jingpang jong me ka long ka bym lah pynkhiah: namar ka bakhraw ka jingbymhok jong me, namar ba ki pop jong me ki la man bun, nga la leh ïa kine kiei kiei ha me.

JEREMAÏAH 30:15 ပူးပေါင်းရင်းမြစ်များ

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 30:12

U Trai u ong ha ki briew jong u, “Ki jingmong jong phi ki long ki bym lah ban koit, ïa ki jingmynsaw jong phi ym lah ban pynkhiah.

MIKAH 7:9

Ngi la leh pop pyrshah ïa U Trai, te mynta ngi dei ban ïaishah ïa ka jingbitar jong u shipor. Hynrei ha kaba kut un ïada ïa ngi bad un pynbeit ïa ka bymdei kaba la leh ha ngi. Un wallam ïa ngi shabar sha ka jingshai; ngin im ban ïohi ba u pyllait im ïa ngi.

MIKAH 1:9

Ïa ki jingmong ka Samaria yn ym lah pynkhiah, bad ka Judah kan shahshitom ha kajuh ka rukom; ka jingpynjot ka la poi haduh ki khyrdop ka Jerusalem hi, ha kaba ki briew jong nga ki shong.”

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

SNGEWSYNEI 3:39

Balei ngin shu ïai khñium haba la pynshitom ïa ngi na ka bynta ka pop jong ngi.

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 15:18

Balei nga dei ban ïaishah shitom? Balei ba ki jingmynsaw jong nga ym lah ban pynkoit? Balei ba kim koit? Hato me thmu ban pynnoh mynsiem ïa nga kum ka wahduid kaba ryngkhiang ha ka por lyiur?”

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 6:13

Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 34:6

U Kylli, “Kumno ngan lah ban shukor bad ong ba nga la bakla? Nga la mynsaw jur palat, hynrei nga long uba khlem pop.”

ESRA 9:13

Wat hadien kiei kiei kiba la jia ïa ngi da ka jingpynshitom na ka bynta ki pop bad ki jingleh bymdei jong ngi, ngi tip ba ma me, U Blei jong ngi, mem shym la pynshitom than ïa ngi kumba ka dei ïa ngi bad me la shah ïa ngi ban ïoh im.

SALM 107:17

Katto katne ki la long kiba bieit, ki shahshitom namar ki pop jong ki bad namar ka jingsniew jong ki;

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

ISAÏAH 1:6

Naduh khlieh haduh kjat ym don kano kano ka bynta kaba khiah halor ka met jong phi. La tap ïa phi da ki jingjngem, ki prum bad ki jingmong ba-lhieh. Ïa ki jingmong jong phi ym shym la pynkhuid lane sop spaiñ. Ym shym la tah dawai ei ei ha ki.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?