JEREMAÏAH 30:14 - Khasi CL Bible (BSI)

¹⁴ Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

KA BAIBL

¹⁴ Kiba ieit ïa me baroh ki la klet noh ïa me; kim wad shuh ïa me: naba nga la pynmong ïa me da ka jingmong u nongshun, da ka jingsympat jong uba runar; namar ka bakhraw ka jingbymhok jong me, namar ki pop jong me ki la man bun.

JEREMAÏAH 30:14 ပူးပေါင်းရင်းမြစ်များ

Ka Kitab U Job 16:9

Ha ka jingbitar U Blei u la pyndkut ïa ki kti ki kjat jong nga; u peit ïa nga da ka jingisih.

Ka Kitab U Job 19:11

U Blei u bitar bad tur pyrshah ïa nga; u leh ïa nga kum ïa u nongshun basniew tam jong u.

Ka Kitab U Job 30:21

Me la lehbeiñ ïa nga; me la pynshitom ïa nga da ka bor jong me baroh.

SALM 107:17

Katto katne ki la long kiba bieit, ki shahshitom namar ki pop jong ki bad namar ka jingsniew jong ki;

ISAÏAH 57:13

Haba phi kyang ban ïoh jingïarap, ai ba kito ki bleithaw jong phi kin pyllait ïa phi! Tang shisien pyrsad ka lyer kan rong noh ïa ki! Hynrei kito kiba shaniah ha nga kin ïoh im ha ka ri bad kin mane ïa nga ha ka Templ jong nga.”

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 22:20

Ko phi ki briew ka Jerusalem, khie leit sha Lebanon bad pyrta jam, khie leit sha ka ri Bashan bad to kyang; pyrta na ki lumbah ka Moab, namar baroh kiba ïateh lok bad phi ki la shahjop.

JEREMAÏAH 22:22

Ïa ki nongïalam jong phi yn rong noh da ka lyer, kiba ïateh lok bad phi kin shah ring kum ki mraw ka thma; ïa ka nongbah jong phi yn pynjahburom bad shah pynlehrain namar ki kam bymman baroh kiba phi la leh.

JEREMAÏAH 30:15

Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 32:30

Naduh kaba sdang eh jong ka histori jong ki, ki paid Israel bad ki paid Judah ki la pynsngewsih ïa nga bad ki la pynbitar ïa nga da kaei kaba ki la leh.

JEREMAÏAH 32:34

Ki buh wat ïa ki bleithaw ba-ijli jong ki ha ka Templ ba la tei na ka bynta ka jingmane ïa nga, bad ki la pyntngit ïa ka.

JEREMAÏAH 32:35

Ki la tei ki duwan ïa u Baal ha ka Them Hinnom, ban kñia ïa ki khun shynrang bad ki khun kynthei jong ki ha u blei Molekh. Ngam shym la hukum ïa ki ban leh ïa kane, bad kam ju rung wat ha ka jingmut jong nga ba kin leh kum ïa kata kaei kaei bad pynlong ïa ki paid Judah ban leh pop.”

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

JEREMAÏAH 4:30

Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 5:5

Ngan leit sha ki briew kiba ha ka bor; bad ïakren bad ki. Da shisha ki tip kaei ba U Blei u dawa, kaei ba U Trai u kwah ïa ki ban leh.” Hynrei ki baroh ki la kyntait ïa ka iktiar jong U Trai bad ki kyntait ban kohnguh ïa u.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

JEREMAÏAH 50:42

Ki la rah ïa la ki ryntieh bad ki waitlam; ki long kiba runar bad ki bymsngewsynei. Ki sawa kum ka duriaw bakyrhuh, katba ki dang ïaid halor ki kulai. Ki long kiba la pynkhreh ïa ka thma pyrshah ïa ka Babilonia.

JEREMAÏAH 6:23

Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

SNGEWSYNEI 1:19

“Nga la khot ïa kiba ïateh lok bad nga, hynrei ki la kyntait ban ïarap ïa nga. Ki lyngdoh bad ki nongïalam ki la ïap ha ki lynti bah jong ka nongbah, ki da wad ïa ka jingbam ban ri pynim ïa lade.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 2:1

U Trai ha ka jingbitar jong u, u la tap ïa ka Seïon da ka jingdum. Ïa ka burom ba kynja bneng jong ka u la pynkylla sha ki jingjot. Ha ka sngi ka jingbitar jong u, u la iehnoh wat ïa ka Templ jong u.

ESEKIEL 23:22

“Mynta te, ko Oholibah, kane ka long kaei kaba ma nga, U Trai Nongsynshar, nga ong ha pha. Pha la thait ïa kito ki nongleh-ieit, hynrei ngan pynlong ïa ki ban bitar ïa pha bad ngan wallam ïa ki ban ker sawdong ïa pha.

ESEKIEL 23:9

Te nga aiti ïa ka sha ki nong leh-ieit jong ka, ki Assyria ïa kiba ka thrang palat.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 5:14

Ngan tur ïaleh ïa ki paid Israel bad Judah kum u sing. Ma nga hi da lade ngan patar lyngkhot ïa ki, bad nangta ngan iehnoh ïa ki. Haba nga patan tyngeh ïa ki, yn ym don uba lah ban pyllait ïa ki.

OBADAÏAH 1:7

Kiba ïateh lok bad phi ki la shukor ïa phi; ki la beh noh ïa phi na la ka ri. Ki briew kiba ïasuk bad phi, mynta ki la jop ïa phi. Kito ki paralok kiba ju ïabam lang bad phi, ki la pynap jingriam ïa phi; ki ong shaphang jong phi, ‘Shano kato ka jingstad-buit baroh ba u don?’