JEREMAÏAH 30:13 - Khasi CL Bible (BSI)

¹³ Ym don mano mano ba sumar ïa phi, ym don jingïarap na ka bynta ki prum jong phi, ym don jingkyrmen ban koit na ka bynta jong phi.

KA BAIBL

¹³ Ym don mano mano ban ïasaid ïa ka kam jong me, ba yn lah ban sop spaiñ ïa me: mem don ki dawai bapynkhiah.

JEREMAÏAH 30:13 ပူးပေါင်းရင်းမြစ်များ

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 5:18

U Blei u sop spaiñ ïa ki jingmong ba u pynlong; ki kti jong u ki pynpang ïa me, bad ki kti jong u ki pynkhiah.

SALM 106:23

Haba U Blei u la ong ban pynjot ïa ki briew jong u, u shakri ba la jied jong u, u Moses, u la ïeng pyrshah ïa U Blei bad khang ïa ka jingbitar jong u na kaba pynjot noh ïa ki.

SALM 142:4

Haba nga peit ha syndah jong nga, nga ïohi ba ym don uno uno u ban ïarap ïa nga, ym don mano mano ban ïada ïa nga. Ym don uba sngewsynei ïa nga.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

ISAÏAH 1:6

Naduh khlieh haduh kjat ym don kano kano ka bynta kaba khiah halor ka met jong phi. La tap ïa phi da ki jingjngem, ki prum bad ki jingmong ba-lhieh. Ïa ki jingmong jong phi ym shym la pynkhuid lane sop spaiñ. Ym shym la tah dawai ei ei ha ki.

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 17:14

A Trai, pynkhiah ïa nga bad ngan ïohkhiah krat; pyllait im ïa nga bad ngan long uba shngain janai. Me long uta uba nga ïaroh!

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 33:6

Hynrei ngan sa pynkhiah ïa kane ka nongbah bad ki briew jong ka bad ngan pynïoh pat ha ki ïa ka jingkoit jingkhiah. Ngan pyn-i ha ki ïa ka jingsuk kyrhai bad ka jingshongshngain.

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

JEREMAÏAH 6:7

Kumba ka pukri ka pynneh sngur ïa ka um jong ka, kumta ruh ka Jerusalem ka pynneh ïa ka jingsniew jong ka. Nga ïohsngew ïa ka jingleh jubor bad ka jingpynjot hapoh ka nongbah, ka jingpang bad ki jingmong ki long baroh kiba nga ïohi.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

ESEKIEL 30:21

“Ko khun u briew,” u la ong, “nga la pynkheiñ ïa ka ksang'ti jong u syiem ka Ijipt. Ym don ba la sop spaiñ ïa ka lane pynsdien ïa ka khnang ba kan ïohkhiah bad ban khlaiñ kat ban lah ban bat biang ïa ka waitlam.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 ÏOANNIS 2:1

Nga thoh ïa kane ha phi, ko ki khun jong nga, khnang ba phin ym leh pop; hynrei lada uno uno u leh pop, ngi don uwei uba ïasaid bad U Kpa na ka bynta jong ngi — U Jisu Khrist, uta uba hok.