JEREMAÏAH 30:11 - Khasi CL Bible (BSI)

¹¹ Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

KA BAIBL

¹¹ Namar nga long lem bad me,” ong U Trai, “ban pynim ïa me: namar ngan pynduh khoit ïa ki jaid bynriew baroh sha kiba nga la pynphriang ïa me, hynrei, ngan ym pynduh khoit ïa me; hynrei, ngan sneng pynbeit ïa me da ka jingbishar, bad haba da lei lei ngan ym iehnoh ïa me khlem da pynshitom.”

JEREMAÏAH 30:11 ပူးပေါင်းရင်းမြစ်များ

SALM 6:1

A Trai, wat bitar bad dumok ïa nga! wat pynshitom ïa nga ha ka jingbitar jong me!

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

JEREMAÏAH 10:24

Pynbeit ïa ki briew jong me, A Trai; hynrei wat leh tyngeh halor jong ngi lane pynshitom ïa ngi haba me bitar; kata ka lah ban long ka jingkut jong ngi.

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

JEREMAÏAH 5:18

U Trai u ong, “Wat ha kito ki sngi ngan ym pynjot khoit ïa ki briew jong nga.

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

ESEKIEL 11:13

Katba nga dang ïathuhlypa, u Pelataïah u la kyllon ïap. Nga la rynsied pyllup ïa lade ha khyndew bad pyrta jam, “Em, ko Trai Nongsynshar! Hato men pynïap ïa uwei uwei baroh ba dang sah ha Israel?”

ESEKIEL 6:8

“Ngan ailad ïa ki katto katne ban ïohlait na ka waitlam bad kin sakma hapdeng ki jaitbynriew, bad kin im kum kiba shah ringmraw.

HOSIA 11:9

Ngan ym pynshitom ïa phi ha ka jingbitar jong nga; ngan ym pynjot shuh ïa ki Israel. Namar nga dei U Blei bad ym u briew. Ma nga, uta Uba Khuid ngan long bad phi. Ngan ym wan sha phi ha ka jingbitar.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

2 TIMOTHI 4:22

U Trai un long lem bad ka mynsiem jong phi. Ka jingaiei jong U Blei kan long bad phi baroh. Amen.