JEREMAÏAH 30:10 - Khasi CL Bible (BSI)

¹⁰ “Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

KA BAIBL

¹⁰ “Namar kata, wat sheptieng, ko Jakob, u shakri jong nga,” ong U Trai; “lymne wat khaw-eit, ko Israel: namar, ha khmih, ngan pynim ïa me na jngai, bad ïa u symbai jong me na ka ri ka jinglongmraw jong ki; bad u Jakob un wan phai pat, bad un long jai jai, bad ha kaba suk, bad yn ym don mano mano u ban pynsheptieng ïa u.

JEREMAÏAH 30:10 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

ISAÏAH 14:3

U Trai un ai ha ki paid Israel ka jingtngen na ki jingpang bad ki jingshitom jong ki bad na ka kam kaba khia kaba ki la shah pynbor ban trei.

ISAÏAH 35:9

Yn ym don sing hangta, ym don ki mrad bashyrkhei ki ban ïaid na kata ka lynti. Kito ïa kiba U Trai u la pyllait im kin ïaid sha ïing na kata ka lynti.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

ISAÏAH 44:1

U Trai u ong, “To shahshkor mynta, ko Israel, u shakri jong nga, ki briew ba la jied jong nga, ki khun ki ksiew u Jakob.

ISAÏAH 44:2

Nga long U Trai uba la thaw ïa phi; naduh ka por ba la kha ïa phi, nga la ïarap ïa phi. Wat sheptieng; phi long u shakri jong nga, ki briew ba la jied jong nga kiba nga ieit.

ISAÏAH 46:11

Nga khot ïa u briew ban wan na sha mihngi; un suh wia sha tbian kum u kbeit bad pyndep ïa kaei kaba nga la thmu. Nga la kren, bad ngan leh ïa ka.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

ISAÏAH 49:25

U Trai u jubab, “Kane ka long kata kaei ka ban sa jia. Ïa ki koidi jong u shipai yn ïalam noh, bad ïa ka jinglute jong u nongsynshar leh jubor yn bat noh. Ngan ïaleh pyrshah ïa uta uba ïaleh ïa pha, bad ngan pyllait ïa ki khun jong pha.

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 29:11

Tang ma nga hi nga tip ïa ki jingthmu kiba nga don na ka bynta jong phi, ki jingthmu ban wallam ha phi ka jingmanbha bad ym ka jingpynjot, ki jingthmu ban wallam ïa ka lawei kaba phi ap kyrmen.

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 3:18

Ka Israel kan ïasoh bad ka Judah, bad ryngkat lang kin ïawan na ka jingshah ringmraw ha ka ri kaba shatei bad kin wan phai sha ka ri kaba nga la ai ha ki kpa tymmen jong phi kum ka jingdon jingem kaba neh.”

JEREMAÏAH 30:3

namar ka por ka wan haba ngan pynneh pat ïa ki briew jong nga, ki Israel bad Judah. Ngan wallam pat ïa ki sha ka ri kaba nga la ai ha ki kpa tymmen jong ki, bad kin shim kynti biang ïa ka. Ma nga, U Trai, nga la kren.”

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

ESEKIEL 16:52

Bad mynta pha dei ban shah ïa ka jingjahburom jong pha. Ki pop jong pha ki kham sniew katta katta ban ïa kito ki jong ki hynmen ki para kynthei jong pha kumta ba ki i lui lui hajan jong pha. Mynta to sawkyr-ang bad shah ïa ka jinglehrain jong pha, namar pha pynlong ïa ki hynmen ki para kynthei jong pha ban paw ba ki long kiba sngur.”

ESEKIEL 38:11

Men sa rai ban leit hiarthma ïa ka ri ka bym don jingïarap ha kaba ki briew ki ïashongsuk shongshngain ha ki shnong kiba khlem ker kynroh bad ki bym don jingker.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

HOSIA 2:18

Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

HOSIA 2:20

Ngan bat ïa ka kular jong nga bad nga pynlong ïa pha ka jong nga, bad phan sa pdiang ïa nga kum U Trai.

HOSIA 6:11

“Bad na ka bynta jong phi, ki paid Judah, nga la buh ka por ban pynshitom ïa phi ruh na ka bynta kaei kaba phi leh.

JOEL 2:21

“Ko ki lyngkha, wat sheptieng, hynrei to risa bad lehkmen namar baroh kaba U Trai u la leh ïa phi.

MIKAH 4:9

Balei pha kyang jam? Balei ba pha shahshitom kum ka briew kaba suh kha? Hato ka long namar ba pham don u syiem, bad ki nongaibuit jong pha ki la ïap?

SEKHARAÏAH 3:10

Haba kata ka sngi ka wan, uwei uwei na phi un khot sngewbha ïa la u paramarjan ban wan bad ban lehkmen ïa ka jingsuk bad ka jingshngain, ba la ker sawdong da ki bri sohwaiñ bad ki diengsoh Dumbur.”

ÏOANNIS 12:15

“Wat ym sheptieng, ko ka nongbah Seïon! Hangne u syiem jong pha u wan, u da shong halor u khun kada.”