JEREMAÏAH 3:9 - Khasi CL Bible (BSI)

⁹ bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

KA BAIBL

⁹ Bad da ka jingleh sting ka jingleh nuti jong ka, ïa ka ri la pyntngit, bad ka la ïaklim bad ki maw bad ki dieng.

JEREMAÏAH 3:9 ပူးပေါင်းရင်းမြစ်များ

ISAÏAH 57:3

Ale hangne ban shah bishar, a phi ki nongpop! Phim long kham bha ban ïa ki nongleh byrtong, kiba klim bad ki nuti.

ISAÏAH 57:6

Phi shim ïa ki maw kiba jlih nangta bad mane ïa ki kum ki blei. Phi theh ïa ka waiñ kum ka jingainguh ïa ki bad wallam sha ki ïa ki jingainguh kew. Phi tharai ba ngan sngewbha da kine kiei kiei?

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

ESEKIEL 16:17

Pha la shim ïa ki jingdeng ksiar bad rupa jong pha kiba nga lah ai ha pha, ban thaw ki durblei shynrang, bad leh awria bad ki.

ESEKIEL 23:10

Ki law lyngkhuit ïa ka, ki kem ïa ki khun shynrang bad khun kynthei jong ka, bad nangta ki pynïap ïa ka da ka waitlam. Ki kynthei kylleng ki ïathuh lorni shaphang ka kupar jong ka.

ESEKIEL 23:21

(Ko Oholibah, pha kwah ban leh biang ïa ka jingjakhlia ïa kiba la pynrem ïa pha kum ka samla khynraw ha Ijipt, ha kaba ki rangbah ki ïalehkai bad ka shadem jong pha bad pha duh noh ïa la ka jinglong sotti.)

ESEKIEL 23:3

Mynba ki dang samla, ki shong ki sah ha Ijipt, ki la duh noh ka jinglong sotti bad ki kylla long ki nuti.

HOSIA 2:2

Ko khun jong nga, kyrpad jur ïa la ka kmie — wat lada kam dei tnga shuh ïa nga, bad nga ruh ngam dei shuh u tnga jong ka. Kyrpad ïa ka ba kan sangeh noh na kaba klim bad ka jingleh nuti.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

JOEL 1:19

Nga pyrta sha me, ko Trai, namar ki jaka phlang bad ki dieng ki la tyrkhong, kumba ka ding ka la thang ïa ki.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.

MATHAÏOS 5:32

Hynrei mynta nga ong ha phi: lada uno uno u briew u pyllait noh ïa la ka tnga, na ka bynta kano kano ka daw lait noh na ka jingbymïaineh jong ka, te u long uba la shah rem ha kaba pynlong ïa ka ban klim lada ka shongkurim biang; bad u briew uba shongkurim ïa ka, u ruh u klim.