JEREMAÏAH 3:8 - Khasi CL Bible (BSI)

⁸ Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

KA BAIBL

⁸ Te nga la ïohi, haba na ka bynta kane ka daw ba ka Israel baphai dien ka la lah klim, nga la pyllait noh ïa ka bad nga la ai ïa ka, ka kot iehnoh, pynban, ka Judah bashetkylla, ka para jong ka, kam shym sheptieng; hynrei, ka ruh ka la leit bad la leh nuti de.

JEREMAÏAH 3:8 ပူးပေါင်းရင်းမြစ်များ

2 KHRONIKL 21:11

U la tei wat ïa ki jaka mane blei thala ha ki ri lum Judia bad u ïalam ïa ki briew ka Judah bad ka Jerusalem ban leh pop pyrshah ïa U Trai.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 33:24

“Phi la ïohi kumno ba ki briew ki ïa-ong ba nga la kyntait noh ïa ki Israel bad Judah, ki ar tylli ki longïing kiba nga la jied? Bad kumta ki khmih da ka jingñiewbeiñ ïa ki briew jong nga bad kim kheiñ shuh ïa ki kum ka jaitbynriew.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

ESEKIEL 16:46

“Ka hynmen jong pha, ka dei ka Samaria ha ka phang bashatei, ryngkat bad ki nongrit jong ka. Ka para jong pha lem bad ki nongrit jong ka, ka dei ka Sodom ha ka phang bashathie.

ESEKIEL 16:47

Hato pha la ïoh jinghun ban bud ïa ki dien'jat jong ki bad pyrthuh bud ïa ki jingleh ba-ijli jong ki? Em, tang hapoh khyndiat por pha la leh kham sniew palat ban ïa kaba ki long ha kiei kiei baroh kiba pha la leh.

ESEKIEL 16:51

“Ka Samaria kam shym leh pop shiteng na kaei kaba pha la leh. Pha la leh kham ijli ban ïa kaba ka la leh. Ka jingbamsap jong pha ka pynlong ïa ki hynmen ki para kynthei jong pha ban i lui lui da kaba ïanujor.

ESEKIEL 23:44

Ki leit phai bad ïai leit sha kine ki nuti. Ki leit biang sha ka Oholah bad ka Oholibah; kito ki kynthei barunar.

ESEKIEL 23:9

Te nga aiti ïa ka sha ki nong leh-ieit jong ka, ki Assyria ïa kiba ka thrang palat.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

DEUTERONOMI 24:1

“Lada u briew u shongkurim ïa ka briew, bad hadien u shem ha ka ïa kaei kaei ha kaba um sngewbha; u rai ba um mon shuh ïa ka, kumta u thoh ïa ki kot ïapyllait tnga bad u ai ïa ki ha ka, bad u phah mihnoh ïa ka na ka ïing jong u,

DEUTERONOMI 24:3

bad uta ruh u rai ba um mon shuh ïa ka, kumta u thoh ïa ki kot ïapyllait tnga, u ai ïa ki ha ka, bad u phah mihnoh ïa ka na ïing jong u, lane, haba u tnga jong ka uba ar u ïap,