JEREMAÏAH 3:5 - Khasi CL Bible (BSI)

⁵ Men ym ïai bitar; men ym khih bitar ïa nga shi junom.’ Ko Israel kata ka dei kaei kaba pha la ong, hynrei pha la leh ïa ka jingsniew kat kaba pha lah.”

KA BAIBL

⁵ Un bat sah ïa la ka jingbitar junom? Un ri ïa ka haduh ka bakut?’ Ha khmih, pha la kren bad pha la leh ïa kiei kiei ki basniew, bad pha la ïoh ïa la ka lynti.”

JEREMAÏAH 3:5 ပူးပေါင်းရင်းမြစ်များ

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

SALM 85:5

Hato men bitar ïa ngi junom? Hato ka jingbitar jong me kan ym kut shuh?

SALM 85:6

To pynlong khlaiñ pat ïa ngi, bad ngi ki briew jong me ngin ïaroh ïa me.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

ISAÏAH 64:9

Me la thaw ïa ngi, kumta wat bitar eh ïa ngi, lane bat ïa ki pop jong ngi pyrshah ïa ngi junom. Ngi long ki briew jong me; to isynei ïa ngi.

JEREMAÏAH 3:12

U la bthah ïa nga ban leit bad ong ha ka Israel, “Ko Israel bymïaineh, to wan pat sha nga. Nga long uba dap da ka jingisynei bad ngan ym bitar; ngan ym bitar ïa pha shi junom.

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

ESEKIEL 22:6

Ki nongïalam Israel baroh ki shaniah ha la ka jingkhlaiñ bad ki pynïap briew.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.