JEREMAÏAH 3:3 - Khasi CL Bible (BSI)

³ Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

KA BAIBL

³ Namar kata, la khang ïa u 'lap praw, bad ym shym la don 'lap khatduh shuh; pynban, pha la don ka shyllangmat ka nuti, pham shym treh de ban sngewlehrain.

JEREMAÏAH 3:3 ပူးပေါင်းရင်းမြစ်များ

JENESIS 19:34

Ha ka sngi kaba bud kata ka khun nyngkong ka ong ha la ka para, “Hynne mynmiet nga la ïathiah bad i pa; mynta to ngin pynbuaid biang ïa i ha kane ka miet ruh, bad phi sa leit thiah lang bad i. Te ma ngi baroh ar ngut ngin ïoh khun mar iwei na la u kpa.”

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

PROBERB 21:29

Ki briew kiba hok ki skhem ha lade; ki bymman ki shu leh mynleh katba ki lah.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

JEREMAÏAH 14:1

U Trai u la ong ha nga ha kaba ïadei bad ka jingtyrkhong,

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

JEREMAÏAH 14:4

Namar bym don slap bad ba ka khyndew ka la tyrkhong ki nongrep ki pang ka dohnud; ki buhrieh ïa la ki durkhmat.

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

JEREMAÏAH 5:25

Pynban, ki pop jong phi ki la bat noh ïa kine kiei kiei kiba bha na phi.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 6:15

Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

ESEKIEL 3:7

Hynrei ym don mano mano ruh na ki paid Israel kiba mon ban shahshkor, naba kim shahshkor wat ïa nga ruh; baroh na ki, ki long kiba mutlop bad kiba ehrang.

LEBITIKOS 26:19

Ngan pynkheiñ ïa ka jingsngewmeng jong phi; yn ym don slap, bad ka khyndew jong phi kan tyrkhong bad eh kum u nar.

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

AMOS 4:8

Ha ka jingtlot namar ka jingsliang, ki briew jong kiba bun ki nongbah ki la leit sha ka nongbah kaba ki kyrmen ban ïoh um, hynrei kim ïoh ka umdih ka ban biang. Katta ruh phim shym la wan phai pat sha nga.

SEPHANAÏAH 2:1

Ko jaitbynriew bym don jinglehrain, to tipbriew

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

HAGGAI 1:11

Nga la wallam ïa ka jingtyrkhong ha ka ri — ha ki lumrit jong ka, ha ki lyngkha kew jong ka, ki bri sohwaiñ, ki brisoh Olib — ha baroh ki jingthung kiba ka khyndew ka pynmih, ha ki briew bad ki mrad, ha baroh kiba phi pyrshang ban pynmih.”

DEUTERONOMI 28:23

U slap un ym hap, bad ka khyndew kan kylla eh kum u nar.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.