JEREMAÏAH 3:25 - Khasi CL Bible (BSI)

²⁵ Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

KA BAIBL

²⁵ To ïa ngin ïathiah noh ha ka jinglehrain jong ngi, bad to ai ba ka jingshaïong kan tap ïa ngi: naba ngi la leh pop ïa U Trai U Blei jong ngi, ma ngi bad ki kpa jong ngi, naduh ba ngi dang samla haduh kane ka sngi keiñ: bad ngim shym la kohnguh ïa ka ktien U Trai U Blei jong ngi.”

JEREMAÏAH 3:25 ပူးပေါင်းရင်းမြစ်များ

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 106:7

Ki kpa tymmen jong ngi ha Ijipt kim shym la sngewthuh ïa ki kam baphylla jong U Blei; ki la klet ba bunsien u la pyn-i ha ki ïa ka jingieit jong u, bad ki la ïaleh pyrshah ïa U Badonbor Baroh ha ka Duriaw Basaw.

SALM 109:29

Ai ba ïa ki nongshun jong nga yn tap da ka jingjahburom; ai ba ka jinglehrain jong ki kan long kum ka jingkup jaiñ jong ki.

PROBERB 13:18

Kino kino ki bym kwah ban shah hikai kin ïailong kiba kyrduh. Hynrei uno uno uba sngap ïa ka jingpynbeit u long ba la ñiewkor.

PROBERB 5:13

Ngam shym sngap ïa ki nonghikai jong nga, ngam shym la shahshkor ïa ki.

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

ISAÏAH 50:11

Phi baroh kiba ïasylla ban pynjot ïa kiwei yn pynjot ïa phi ha ki jingsylla jong phi hi. U Trai da lade hi un pynjia ïa kane; phin shahshitom ha ka jingkordit.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

JEREMAÏAH 14:20

Ngi la leh pop pyrshah ïa me, A Trai; ngi phla ïa la ki pop bad ïa ki pop jong ki kpa tymmen jong ngi.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:2

ban pynbna ïa kane ka khubor ha uwei pa uwei ha Jerusalem, “Nga kynmaw kumno phi la long kiba ïaineh mynba phi dang khynnah, kumno phi la ieit ïa nga mynba ngi dang shongkurim nyngkong; phi la bud ïa nga lyngba ka ri shyiap, lyngba ka ri ka bym pat shym la thung jingthung.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

JEREMAÏAH 20:18

Balei ba la kha ïa nga? Hato kan dei tang ban ïoh ka jingjynjar bad ka jingsngewsih, ban pynkut ïa ka jingim jong nga ha ka jingjahburom?

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 31:19

Ngi la phai dien noh na me, hynrei shen ngi la kwah ban wan phai pat. Hadien ba me la pynshitom ïa ngi, ngi la pyndem ïa la ki khlieh ha ka jingsngewsih. Ngi la sngewlehrain bad jahburom, namar ngi la leh pop mynba ngi dang samla.’

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

JEREMAÏAH 7:19

Hato nga long shisha ma nga uta uba ki pynmong? Em, ki ïa pynmong ïa lade hi bad ki wallam ka jinglehrain ha lade hi.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

JEREMAÏAH 9:18

Ki briew ki la ong, “Ïathuh ïa ki ban pynkloi bad rwai ka jingrwai ïapbriew na ka bynta jong ngi, tad haduh ba ki khmat jong ngi kin dap da ki ummat, bad ba ki irmat jong ngi ki jhieh na kaba ïam.”

SNGEWSYNEI 5:16

Ym don shuh kano kano kaba dang sah na baroh kaba ngi la ju sngewsarong. Ngi la leh pop bad mynta ngi long kiba la tim.

SNGEWSYNEI 5:7

Ki kpa tymmen jong ngi ki la leh pop, hynrei mynta kim don shuh, bad ngi shahshitom na ka bynta ki pop jong ki.

ESEKIEL 2:3

“Ko khun u briew, ngan phah ïa me sha ki paid Israel. Ki la ïaleh pyrshah bad ki phai lyndet ïa nga bad ki dang ïai pyrshah hi, kumba ki kpa tymmen jong ki, ki la long.

ESEKIEL 36:32

Ko Israel, nga kwah ba phin tip ba ngam shym leh ïa kane baroh namar jong phi. Nga kwah ba phin da sngewlehrain bad sngewjahburom ïa kaei kaba phi la leh. Ma nga, U Trai Nongsynshar, nga la kren.”

ESEKIEL 44:13

Kim dei ban shakri ïa nga kum ki lyngdoh lane leit hajan kano kano kaba khuid ïa nga lane ban rung shapoh ka Jaka Bakyntang Tam. Kane ka dei ka jingpynshitom na ka bynta kiei kiei kiba ijli kiba ki la leh.

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

DANIEL 12:2

Bun na kito kiba la lah ïap kin im pat: Katto katne kin ïoh ka jingim bymjukut, bad katto katne kin shah ka jingjahburom bymjukut.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

SEPHANAÏAH 1:17

U Trai u ong, “Ngan wallam ïa ki jingpynjot kiba kum kine ha u bynriew ba uwei uwei baroh un tare shane shatai kum u briew bamatlah. Ki la leh pop pyrshah ïa nga, bad mynta ïa ka snam jong ki yn theh noh kum ka um, bad ki metïap jong ki kin pyut ha khyndew.”

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

NONGBISHAR 2:2

Phim dei ban ïateh jutang bad ki briew kiba shong ha kane ka ri. Phi dei ban pynpra ïa ki duwan jong ki.’ Hynrei phim shym la leh ïa kaei kaba nga la bthah ïa phi. Phi la leh pynban ïa kaba pyrshah!